Upplýsingafundir um loftslagsmál

Umhverfisráðuneytið efndi til upplýsingafunda um loftslagsmál fyrir alþingismenn og frétta- og blaðamenn í dag. Efnt var til fundanna vegna þess hversu mikið er um að vera á þessu sviði um þessar mundir. Í næstu viku hefst loftslagsráðstefna í Balí þar sem samningar hefjast um hvað taki við þegar Kyoto-bókunin rennur út og fyrr í þessum mánuði gaf Vísindanefnd Sameinuðu þjóðanna um loftslagsbreytingar út fjórðu yfirlitsskýrslu sína. Upplýsingafundirnir voru skipulagðir í samvinnu við Landvernd og Náttúruverndarsamtök Íslands.

Hér má nálgast glærur sem fylgdu erindum sem flutt voru á fundunum.

• Loftslagsbreytingar: orsök og afleiðingar - hvað segja vísindin? Halldór Björnsson, formaður vísindanefndar stjórnvalda um loftslagsbreytingar.
• Viðbrögð við loftslagsbreytingum: Hvað er hægt að gera og hvað kostar það? Brynhildur Davíðsdóttir, formaður nefndar á vegum íslenskra stjórnvalda um viðbrögð við loftslagsbreytingum.
• Hvað gerist í Balí? Hugi Ólafsson, skrifstofustjóri í umhverfisráðuneytinu.
• Markmið Náttúruverndarsamtaka Íslands í komandi samningaviðræðum. Árni Finnsson, formaður Náttúruverndarsamtaka Íslands.
• Afstaða atvinnulífsins til komandi samningaviðræðna. Pétur Reimarsson, forstöðumaður stefnumótunar- og samskiptasviðs Samtaka atvinnulífsins.

Hér má nálgast frétt um útgáfu 4. yfirlitsskýrslu Vísindanefndar Sameinuðu þjóðanna um loftslagsbreytingar og útdrætti úr henni.

Tólf alþingismenn sóttu upplýsingafund um loftslagsmál sem haldinn var á nefndasviði Alþingis.