Krabbamein á Íslandi

Bókin Krabbamein á Íslandi er komin út öðru sinni og er verkið í ritstjórn Jóns Gunnlaugs Jónassonar og Laufeyjar Tryggvadóttur.

Í bókinni er að finna upplýsingar úr Krabbameinsskrá fyrir tímabilið 1957 til 2006. Um er að ræða tölfræðilegar upplýsingar og fróðleik um krabbamein á Íslandi og mun Krabbameinsfélagið færa útskriftarnemum á heilbrigðissviði bókina að gjöf nú í vor, enda eru líkur á því að þriðji hver íslendingur þurfi að glíma við sjúkdóminn einhvern tíma á lífsleiðinni. Bókin Krabbamein á Íslandi kom fyrst út árið 2004 í tilefni 50 ára afmælis Krabbameinsskrár Krabbameinsfélags Íslands en kemur nú út öðru sinni.