Fjármálaráðherra á ársfund alþjóðagjaldeyrissjóðsins og alþjóðabankans

Fjármálaráðuneytið, fréttatilkynning nr. 17/2008

Fjármálaráðherra, Árni M. Mathiesen, fer í dag til Washington á ársfund Alþjóðagjaldeyrissjóðsins og
Alþjóðabankans þar sem ástand efnahagsmála í heiminum verður til umfjöllunar.

Samhliða fundum hinna alþjóðlegu stofnana mun ráðherra m.a. eiga tvíhliða fundi með fulltrúum
bandarískra og breskra stjórnvalda auk þess sem hann mun hitta fulltrúa fjölmargra fjármálafyrirtækja
sem átt hafa viðskipti við Ísland.

Fundirnir hefjast á morgun og standa fram á þriðjudag í næstu viku.

Reykjavík 9. október 2008