Uppfærð áætlun um tekjur ríkissjóðs

Úr Vefriti fjármálaráðuneytisins 18. desember 2008 - þú getur gerst áskrifandi að vefritinu.

Fjármálaráðuneytið hefur að undanförnu, í samstarfi við Alþjóðagjaldeyrissjóðinn, uppfært tekjuáætlun ríkissjóðs í fjárlagafrumvarpi fyrir árið 2009 við 2. umræðu á Alþingi.

Heildartekjur ríkissjóðs á árinu 2009 eru áætlaðar 395,8 milljarðar króna, 65,3 milljörðum minni en á árinu 2008. Samdrátturinn nemur 14,2% að nafnvirði en 24,6% að rauvirði, en spáð er að verðbólga verði 13,8% á næsta ári.

Áætlað er að skatttekjur í heild verði 357,7 milljarðar og dragist saman um 48,9 milljarða milli ára. Gert er ráð fyrir að skattar á tekjur og hagnað nemi alls 126,3 milljörðum króna á árinu 2009 og lækki um tæpa 36 milljarða frá árinu 2008.

Áætlað er að skattar á vöru og þjónustu nemi 180,9 milljörðum króna og lækki um 12,2 milljarða króna frá árinu 2008. Áætlunin er byggð á spá um þróun einkaneyslu, innflutnings og annarra hagstærða, en í þjóðhagsspá er gert ráð fyrir að hagvöxtur verði neikvæður um 9,6% á árinu 2009 og þjóðarútgjöld dragist saman um tæp 20%.

Í meðfylgjandi töflu má sjá áætlunina fyrir einstaka skatta.

Tekjur ríkissjóðs 2007-2009
Tölur á rekstrargrunni, ma.kr.

Málaflokkar	Ríkis-reikningur 2007	Fjáraukalaga- frumvarp 2008	Fjárlaga-frumvarp við 2. umr. 2009	Raunbreyting milli ára, % 2009
Heildartekjur ríkissjóðs	486,1	461,1	395,8	-24,6
Skatttekjur	409,0	406,6	357,7	-22,7
1. Beinir skattar alls	206,9	210,4	173,2	-27,7
þ.a. tekjuskattur einstaklinga	85,6	89,3	87,2	-14,2
þ.a. fjármagns-tekjuskattur	28,9	34,3	13,9	-64,3
þ.e. tekjuskattur lögaðila	36,6	34,0	22,1	-42,9
þ.a. tryggingagjöld	38,9	40,4	39,8	-13,5
þ.a. eignarskattar	12,0	7,8	7,1	-20,5
2. Skattar á vöru og þjónustu alls	200,7	193,1	180,9	-17,7
þ.a. virðisaukaskattur	137,7	135,9	128,2	-17,1
þ.a. almenn vörugjöld	19,3	18,8	19,2	-9,9
þ.a. vörugj. af ökut. og eldsneyti	32,4	28,5	24,6	-24,2
3. Aðrar rekstrartekjur	39,6	51,1	33,4	-42,7
þ.a. vaxtatekjur	25,0	39,7	22,3	-50,6
4. Sala eigna	20,5	2,0	3,3	45,0
5. Fjárframlög	2,3	1,4	1,5	-6,0