Umsóknarfrestur um embætti sérstaks saksóknara framlengdur til 12. janúar nk.

Dóms- og kirkjumálaráðuneytið hefur framlengt til 12. janúar nk. umsóknarfrest um embætti sérstaks saksóknara.

Saksóknarinn mun veita forstöðu rannsóknar- og saksóknaraembætti skv. lögum nr. 135/2008 sem samþykkt voru á Alþingi 10. desember 2008. Dóms- og kirkjumálaráðherra skipar í embættið frá og með 1. febrúar 2009, eða svo fljótt sem verða má.

Fyrri umsóknarfresti lauk 29. desember sl. og sótti enginn um starfið.