Nýir fulltrúar Íslands í stjórn Norræna fjárfestingarbankans

Fjármálaráðuneytið, fréttatilkynning nr. 3/2009

Fjármálaráðherra hefur skipað Þorstein Þorsteinsson, fyrrverandi framkvæmdastjóra Lánasjóðs sveitarfélaga, sem stjórnarmann Íslands í stjórn Norræna fjárfestingarbankans. Meðal fyrri starfa Þorsteins var starf hjá Norræna fjárfestingarbankanum um 10 ára skeið. Þá hefur fjármálaráðherra skipað Sigurð Þórðarson, fyrrverandi ríkisendurskoðanda, sem varamann í stjórn bankans.

Norræni fjárfestingarabankinn er í eigu Norðurlandanna og Eystrasaltsríkjanna. Höfuðstöðvar bankans eru í Helsinki.

Fjármálaráðuneytinu, 22. janúar 2009