NOTE: This article is more than 5 years old.
20 febrúar 2009
/
Lög kveði á um umferðarfræðslu í skólum
Komin er út skýrsla um umferðarfræðslu í skólum sem tekin var saman að beiðni samgönguráðherra. Hefur hún að geyma stutta lýsingu á umferðaröryggi barna á Íslandi og tillögur um að styrkja umferðarfræðslu í skólum.
Meðal tillagna skýrsluhöfunda er að til séu lög sem kveði á um að umferðarfræðsla skuli veitt í skólum og að fræðsluyfirvöld ábyrgist að fyrir liggi raunhæfur grundvöllur fyrir umferðarfræðslu innan skólakerfisins. Fram kemur í skýrslunni að til að umferðarfræðsla skili sem bestum árangri verði hún að byrja snemma, helst á leikskólastigi og halda áfram fram á fullorðinsár. Aðlaga verði fræðsluna gaumgæfilega eftir aldri og þroska nemenda.
Skýrsluhöfundur er Valdimar Briem, prófessor við sálfræðideild háskólans í Lundi í Svíþjóð. Hann hefur um árabil verið stjórnadi rannsóknarhópa á sviði öryggis barna og unglinga, og auk þess fengist við ýmis rannsóknarverkefni um umferð og öryggi, m.a. um athyglistruflunir af völdum farsímanotkunar við akstur og um sálræn áhrif dauðaslysa á járnbrautum og vegum.