Málefni blindra, sjónskertra og daufblindra

Ásta R. Jóhannesdóttir, félags- og tryggingamálaráðherra, hitti fulltrúa samráðsnefndar um Þjónustu- og þekkingarmiðstöð fyrir blinda, sjónskerta og daufblinda einstaklinga á fyrsta fundi hópsins sem haldinn var nýlega. Huld Magnúsdóttir, nýr forstjóri stofnunarinnar, sat einnig fundinn. Helgi Hjörvar alþingismaður er formaður samráðsnefndarinnar.

Félags- og tryggingamálaráðherra skipar samráðsnefndina samkvæmt lögum um stofnunina nr. 16/2008 og er hlutverk hennar að vera ráðherra og forstjóra stofnunarinnar til faglegrar ráðgjafar um málefni hennar. Í samráðsnefndinni eiga sæti fulltrúar Blindrafélagsins, Daufblindrafélags Íslands, heilbrigðisráðuneytis, menntamálaráðuneytis og Sambands íslenskra sveitarfélaga. Ráðherra skipar formann án tilnefningar.

Eftirtaldir eiga sæti í samráðsnefndinni:

• 
  Helgi Hjörvar, formaður,
  til vara: Þór Garðar Þórarinsson,
• 
  Kristinn Halldór Einarsson, tilnefndur af Blindrafélaginu,
  til vara: Ágústa Eir Gunnarsdóttir,
• 
  Bryndís Snæbjörnsdóttir, tilnefnd af Daufblindrafélagi Íslands,
  til vara: Friðgeir Jóhannesson,
• 
  Guðrún Sigurjónsdóttir, tilnefnd af heilbrigðisráðuneyti,
  til vara: Gunnar Alexander Ólafsson,
• 
  Ragnheiður Bóasdóttir, tilnefnd af menntamálaráðuneyti,
  til vara: Guðni Olgeirsson,
• 
  Garðar Páll Vignisson, tilnefndur af Sambandi íslenskra sveitarfélaga,
  til vara: Svanlaug Guðnadóttir.