NOTE: This article is more than 5 years old.
20 mars 2009
/
Verðlaun afhent í teiknisamkeppni utanríkisráðuneytisins
Sex ungir myndlistarmenn á aldrinum 3-10 ára hlutu í dag verðlaun í teiknisamkeppni utanríkisráðuneytisins fyrir myndir af þróunaraðstoð og útlöndum. Össur Skarphéðinsson utanríkisráðherra afhenti verðlaunin nokkru seinna en ætlað var en samkeppnin var hluti opins húss í ráðuneytinu í ágúst á síðasta ári. Þátttakendurnir settu það þó ekki fyrir sig og stilltu sér upp með ráðherra eftir afhendinguna.
Vinningshafarnir eru:
Einar Örn Steinarsson, Þorbjörg Anna Gísladóttir, Andrea Karítas Árnadóttir, Nína Steingerður Káradóttir, Jón Kristófer Delgado Pálsson og Freyja Védís Garrad.