Evrópumálaráðherra Frakka og utanríkisráðherra ræða umsókn Íslands

Umsókn Íslands að Evrópusambandinu bar hæst á fundi sem Evrópumálaráðherra Frakka, Pierre Lellouche átti með Össuri Skarphéðinssyni utanríkisráðherra í Reykjavík í morgun. Lellouche, sem sat fund ráðherraráðs ESB í síðustu viku, fagnaði umsókn Íslendinga og sagðist ekki vita til að neitt aðildarríki væri andvígt aðild Ísland en ljóst væri að Icesave-deiluna yrði að leysa. Þá væri brýnt að Lissabon-sáttmálinn yrði staðfestur til að greiða fyrir stækkun ESB.

Að loknum fundinum með Össuri hitti Lellouche Árna Þór Sigurðsson, formann utanríkismálanefndar Alþingis, alþingismenn og fræðimenn.