Skipað í nefnd um umhverfisgjöld tengd ferðaþjónustu

Fréttatilkynning nr. 63/2009

Fjármálaráðherra hefur skipað í nefnd um umhverfisgjöld tengd ferðaþjónustu. Nefndinni er ætlað að kanna grundvöll þess að leggja á umhverfisgjöld tengd ferðaþjónustu sem renni til uppbyggingar þjóðgarða og annarra fjölsóttra og friðlýstra áningarstaða ferðamanna og til eflingar ferðaþjónustu.

Nefndina skipa:

• Ólafur Örn Haraldsson, formaður,
• Helga Haraldsdóttir, skrifstofustjóri, skipuð samkvæmt tilnefningu iðnaðarráðherra,
• Hrafnhildur Ásta Þorvaldsdóttir, skrifstofustjóri, samkvæmt tilnefningu umhverfisráðherra,
• Ingibjörg G. Guðjónsdóttur, samkvæmt tilnefningu Samtaka ferðaþjónustunnar,
• Sigþrúður Stella Jóhannsdóttir, líffræðingur, samkvæmt tilnefningu samtaka á sviði náttúruverndar.

Fjármálaráðherra mælist til þess að nefndin hraði störfum sínum eftir föngum og að fyrir liggi tillögur eða bráðabirgðaskýrsla eigi síðar en í lok nóvembermánaðar nk., þannig að hugmyndir og tillögur nefndarinnar megi eftir atvikum hafa til hliðsjónar við afgreiðslu fjárlaga og tengdar lagabreytingar.

Fjármálaráðuneytinu, 18. september 2009