Leiðir til að fjármagna verkefni á sviði norræns samstarfs

Nýsköpunarmiðstöð Íslands sér um átaksverkefni sem nú er hafið og byggist á að veita upplýsingar og leiðbeiningar um leiðir til að fjármagna verkefni á sviði norræns samstarfs. Markmið átaksins er að auka möguleika íslenskra fyrirtækja, stofnana, félagasamtaka og einstaklinga á því að sækja um styrki og stuðning til verkefna á sviði norræns samstarfs.

Frumkvæði að verkefninu kom frá Norrænu ráðherranefndinni sem fjármagnar það. 

Möguleikar til að sækja um styrki og stuðning eru á ýmsum málefnasviðum. Af málefnum sem tengjast félags- og tryggingamálaráðuneytinu má nefna verkefni sem varða:

• Börn og unglinga
• Jafnréttismál
• Félags- og heilbrigðismál
• Vinnumál

Verkefnisstjóri er Kjartan Due Nielsen og veitir hann ráðgjöf og stuðning og leiðbeinir meðal annars við umsóknarskrif og myndun tengslaneta.

Nánari upplýsingar eru á vefslóðinni: http://www.norraentsamstarf.is/