Útgáfa ritsins „Ábyrgð aðila sem standa fyrir félags- og tómstundastarfi fyrir börn og unglinga“

Til þeirra sem standa fyrir starfi fyrir og með börnum og unglingum
Reykjavík 12. október 2010

Ritið „Ábyrgð aðila sem standa fyrir félags- og tómstundastarfi fyrir börn og unglinga“er komið út á vegum mennta- og menningarmálaráðuneytis og Æskulýðsráðs. Leitað var til dr. Ragnhildar Helgadóttur, prófessors við Háskólann í Reykjavík, um að vinna álitsgerð um ábyrgð í félags- og tómstundastarfi. Skoðaði hún hvernig háttað væri ábyrgð stjórnenda, umsjónarmanna, starfsmanna, kennara, leiðbeinenda, sjálfboðaliða, launaðra starfsmanna og annarra sem starfa með börnum og ungmennum í skipulögðu félags- og tómstundastarfi. Einnig er hægt að nálgast ritið á vef ráðuneytisins, http://www.menntamalaraduneyti.is/utgafuskra/