Atvinnumálaráðherra Færeyja og Katrín iðnaðarráðherra heimsækja fyrirtæki

Johan Dahl, atvinnumálaráðherra Færeyja er í heimsókn á Íslandi ásamt föruneyti. Hann hefur sérstakan áhuga á frumkvöðlastarfi á Íslandi og af því tilefni bauð Katrín Júlíusdóttir honum að heimsækja með sér CCP, Marorku og Kím en það er klasi frumkvöðlafyrirtækja í heilbrigðistækni.

Allt eru þetta glæsileg fyrirtæki í allra fremstu röð sem byggja á nýsköpun og staðfastri trú á mátt sinn og megin.