NOTE: This article is more than 5 years old.
04 apríl 2011
/
Fab Lab markar nýjan kafla í þróunarsögu vöruþróunar
Fab Lab (fabrication laboratory) er smiðja með stafrænum tækjum og tólum sem styttir leiðina frá hugmynd til vöru. Tæknin gefur notandanum möguleika á að hanna og prenta/skera út í þrívídd þannig að í verklok er tilbúin frumgerð að hlutnum.
Á Íslandi eru þrjár Fab Lab smiðjur; í Vestmannaeyjum, á Sauðarkróki og Akranesi. Smiðjurnar gegna mikilvægu hlutverki í því að efla tæknilæsi og tæknivitund og samfara því að auka þekkingu á stafrænum framleiðsluaðferðum og skapa tækifæri til nýsköpunar fyrir frumkvöðla, fyrirtæki og nemendur. Í Fab Lab smiðjunni í Vestmannaeyjum sem rekin er af Nýsköpunarmiðstöð Íslands fer t.d. fram öflug kennsla á hverjum degi fyrir frumkvöðla og nemendur grunn- og framhaldsskólastigs á degi hverjum og í hinum alþjóðlega Fab Academy sem er leiddur af prófessor Neil Gerschenfeld hjá MIT háskólanum í Boston.
Dæmi um fyrirtæki sem nýta sér Fab Lab til þróunar:
Síbyr framleiðir m.a. fatahengi með Íslandskorti þ.a. þú getur hengt upp fötin þín á á Ísafirði, Akureyri, Egilsstöðum eða Reykjavík.
ReMake Electric nýtir sér örtölvu tækniþekkingu úr Fab Lab við áframhaldandi þróun á rafskynjurum.
Sigva margmiðlun vinnur að þróun margmiðlunartorgs
Vélaverkstæðið Þór nýtir sér Fab Lab smiðjuna til þróunar á búnaði til fiskvinnslu.
Síbyr framleiðir m.a. fatahengi með Íslandskorti þ.a. þú getur hengt upp fötin þín á á Ísafirði, Akureyri, Egilsstöðum eða Reykjavík.