NOTE: This article is more than 5 years old.
05 maí 2011
/
Afhenti trúnaðarbréf gagnvart Evrópusambandinu
Þórir Ibsen hefur afhent Jose Manuel Barroso, forseta framkvæmdastjórnar Evrópusambandsins, og Herman Van Rompuy, forseta ráðherraráðs ESB, trúnaðarbréf sitt sem sendiherra Íslands gagnvart Evrópusambandinu. Við það tilefni ræddu þeir áralanga þátttöku Íslands í Evrópska Efnahagssvæðinu samfara farsælu samstarfi Íslands og ESB. Rætt var um yfirstandandi aðildarviðræður Íslands og ítrekuðu Barroso og Van Rompuy þá afstöðu að Ísland væri velkomið í Evrópusambandið.