NOTE: This article is more than 5 years old.
11 nóvember 2011
/
Fundur Norðlægu víddarinnar haldinn í Reykjavík
Þriðji fundur háttsettra embættismanna Norðlægu víddarinnar (Northern Dimension) var haldinn í Reykjavík 8. nóvember 2011. Einar Gunnarsson, ráðuneytisstjóri, flutti ávarpsorð í upphafi fundarins en Emil Breki Hreggviðsson, deildarstjóri, stýrði fundinum og samningaviðræðum um lokayfirlýsingu fundarins. Að Norðlægu víddinni koma ESB, Rússland, Noregur og Ísland sem jafnréttháir samstarfsaðilar. Á fundinum var farið yfir störf og stefnumörkun innan Norðlægu víddarinnar á grundvelli yfirlýsingar utanríkisráðherrafundar Norðlægu víddarinnar frá árinu 2010. Fulltrúar frá svæðisbundnum stofnunum, alþjóðlegum fjármálastofnunum og stofnunum Norðlægu víddarinnar sóttu fundinn. Alexander Grushko, varautanríkisráðherra Rússlands, tók þátt í fundinum og átti einnig tvíhliða fund með Össuri Skarphéðinssyni, utanríkisráðherra. Samþykkt lokayfirlýsing fundar Norðlægu víddarinnar fylgir hér að neðan.
- Lokaniðurstöður þriðja fundar Norðlægu víddarinnar (pdf)
- Fréttatilkynning um tvíhliða fund ráðherranna