Kínversk sendinefnd í heimsókn

Mánudaginn 13. nóvember 2011, tók Jón Bjarnason sjávarútvegs- og landbúnaðarráðherra á móti 8 manna kínverskri sendinefnd. Sendinefndin er hér stödd til að kynna sér fiskveiðimál og tækni í sjávarútvegi. Nefndin er undir forystu MR. HUAI Zhongmin, forseta þingsins í héraðinu Dalian þar sem fiskveiðar eru mikið stundaðar. Ráðherra gerði grein fyrir mikilvægi sjávarútvegs fyrir Ísland og sömuleiðis skýrðu Sigurgeir Þorgeirsson ráðuneytisstjóri og Ólafur Ástþórsson, aðstoðarforstjóri Hafrannsóknastofnunarinnar rannsóknir og þróun í íslenskum sjávarútvegi ásamt öðru þar að lútandi.

Í lok fundarins var skipst á gjöfum og tekur ráðherra hér við kínversku tei sem MR. HUAI Zhongmin forseti Dalianþings færði honum sem þakklætisvott fyrir móttökurnar.