Norski olíu- og orkumálaráðherrann heimsækir Ísland

Norski olíu- og orkumálaráðherrann Ola Borten Moe verður hér á landi 3ja og 4. janúar í tengslum við undirritun sérleyfa fyrir rannsóknir og vinnslu kolvetnis en norska ríkisolíufélagið Petoro verður þátttakandi í báðum leyfunum. Steingrímur J. Sigfússon atvinnuvega- og nýsköpunarráðherra mun funda með norska kollega sínum.

Sjálf undirritunin fer fram í ráðherrabústaðnum við Tjarnargötu föstudagsmorguninn 4. janúar kl. 10.

Að undirritun lokinni verður haldinn blaðamannafundur.

Norski ráðherrann heldur aftur heim til Noregs um hádegisbil.