40 verkefni hlutu styrk úr Sprotasjóði skólaárið 2013-2014

Sprotasjóður er sameiginlegur fyrir leik-, grunn- og framhaldsskóla og er hlutverk sjóðsins að styðja við þróun og nýjungar í skólastarfi.

Úthlutað hefur verið úr Sprotasjóði mennta- og menningarmálaráðuneytisins fyrir skólaárið 2013-2014. Alls bárust 115 umsóknir til sjóðsins og fengu 40 verkefni styrk að upphæð rúmlega 45. millj. kr.

Sprotasjóður er sameiginlegur fyrir leik-, grunn- og framhaldsskóla og er hlutverk sjóðsins að styðja við þróun og nýjungar í skólastarfi.

Áherslusvið sjóðsins voru að þessu sinni:

• Mat á námi með hliðsjón af nýjum aðalnámskrám.
• Jafnrétti í skólastarfi.
• Kynjafræði, kynheilbrigði og klám; – í samhengi við grunnþætti menntunar.

Stjórn sjóðsins, sem skipuð er fulltrúum frá Kennarasambandi Íslands, Sambandi íslenskra sveitarfélaga, Samstarfsnefnd háskólastigsins og mennta- og menningarmálaráðuneytis, mat umsóknir og gerði tillögur til mennta- og menningarmálaráðherra um styrkveitingar. Ákveðið var, eins og áður sagði, að veita styrki til 40 verkefna að upphæð rúmlega 45. millj. kr.

Styrkirnir dreifðust með eftirfarandi hætti milli skólastiga og landshluta

	Höfuðborgar-svæðið	Reykjanes	Suðurland	Vesturland	Norðurl.-eystra	Austurland	Fjöldi	Upphæð
Leikskólar	3	2	1		1		7	9900000
Grunnskólar	8	1			5	2	16	16130000
Framhaldsskólar	11			1	2		14	15230000
Þvert á skólastig		1		1	1		3	3900000
Samtals	22	4	1	2	8	2	40	45160000

• Skrá um þau verkefni sem hlutu styrk fyrir skólaárið 2013-14