Tillögur verkefnastjórnar samráðsvettvangs um aukna hagsæld

Á þriðja fundi Samráðsvettvangsins í maí 2013 kynnti verkefnisstjórn hagvaxtartillögur sínar og í kjölfarið voru þær ræddar. Tillögurnar snúa að öllum geirum hagkerfisins: opinbera geiranum, innlendri þjónustu, auðlindageiranum og alþjóðageiranum. 

1. Fyrirkomulag Samráðsvettvangsins
2. Áskoranir og markmið
3. Þjóðhagsramminn
4. Inngangur að hagvaxtartillögum
5. Opinber þjónusta
6. Innlend þjónusta
7. Auðlindageirinn
8. Alþjóðageirinn

Allar kynningar („glærurnar“) á tillögum verkefnisstjórnar. Skráin er mjög stór eða rúm 12 MB og því getur tekið nokkra stund að sækja hana.

Samráðsvettvangur um aukna hagsæld á Íslandi var þverpólitískur og þverfaglegur vettvangur sem ætlað var að stuðla að heildstæðri og málefnalegri umræðu um leiðir til að tryggja hagsæld Íslendinga til lengri tíma litið. Á vettvangnum sátu formenn allra stjórnmálaflokka sem áttu sæti á Alþingi, helstu hagsmunasamtök launþega og atvinnurekenda, fulltrúar háskólasamfélagsins, sveitarfélaga og stjórnendur fyrirtækja úr ýmsum atvinnugreinum.

Tilurð samráðsvettvangsins má rekja til óformlegra viðræðna á meðal stjórnmálaleiðtoga um hvernig best mætti koma slíkum umræðuvettvangi á fót m.a. á grundvelli skýrslu sem alþjóðlega ráðgjafarfyrirtækið McKinsey & Company gaf út haustið 2012 um möguleika Íslands til eflingar langtímahagvaxtar undir nafninu Charting a Growth Path for Iceland.