Fræðsluþing um kynferðislegt, líkamlegt og andlegt ofbeldi verða haldin í október

Fræðsluþing vitundarvakningar um kynferðislegt, andlegt og líkamlegt ofbeldi gegn börnum verða haldin á ellefu stöðum á landinu í október. Herferðin er á vegum innanríkisráðuneytis, mennta- og menningarmálaráðuneytis og velferðarráðuneytis.

Fræðsluþingin eru hugsuð fyrir stjórnendur, kennara og annað starfsfólk grunn- og framhaldsskóla. Einnig eru hvattir til að mæta forvarnarfulltrúar, náms- og starfsráðgjafar, þeir sem starfa við íþrótta- og æskulýðsmál, barnavernd, heilsugæslu og félagsþjónustu að ógleymdum sveitarstjórnum og löggæslu.

Vitundavakning leggur áherslu á að fræða þá sem vinna með börnum um eðli og afleiðingar kynferðislegs, andlegs og líkamlegs ofbeldis, svo allir séu í stakk búnir til að bregðast við, ef börn sýna þess merki að hafa orðið fyrir ofbeldi.

• Dagskrá fræðsluþings