Sigurður Ingi ræddi mikilvægi sjálfbærra veiða á Norðurslóðum 

Sigurður Ingi Jóhannsson ráðherra sjávarútvegsmála er staddur á sjávarútvegsýningunni í Brussel sem nú stendur yfir. Í morgun flutti ráðherra ræðu og ræddi í panel, ásamt fulltrúum ESB og Noregs, málefni sjálfbærra fiskveiða á Norðurslóðum á vinnustofu um málefnið sem haldin var á vegum norsku sendinefndarinnar gagnvart ESB í Brussel.

Í máli sínu lagði Sigurður Ingi áherslu á stefnu ríkisstjórnarinnar í málefnum Norðurslóða, m.a. að veiðar skyldu vera sjálfbærar og að rannsóknir þurfi að vera grunnur ákvarðana um nýtingu. Þá væri mikilvægt að allar ákvarðanir væru teknar í samvinnu við íbúa svæðanna sem hafa lífsviðurværi sitt af gæftum þess.

Ræða ráðherra