17,5 milljónum úthlutað úr Hönnunarsjóði til framúrskarandi hönnuða og arkitekta

Hönnunarsjóður úthlutaði styrkjum til þrettán verkefna, samtals að fjárhæð 17,5 m. kr. við hátíðlega athöfn í Hönnunarmiðstöð Íslands þriðjudaginn 3. júní. Meginhlutverk sjóðsins er að efla þekkingu, atvinnu- og verðmætasköpun á sviði hönnunar og arkitektúrs með fjárhagslegum stuðningi. Veittir voru styrkir til margvíslegra verkefna; þróunar og rannsókna, verkefna- og markaðsstarfs auk ferðastyrkja. Að þessu sinni bárust sjóðnum 100 umsóknir af öllum sviðum hönnunar og 41 umsókn um ferðastyrk. Samtals var sótt um rúmlega 200 m. kr. sem er tífalt hærri upphæð en það sem sjóðurinn hefur úr að spila.

Markaðssetning erlendis gríðarlega mikilvæg

Þrettán verkefni fengu styrk og eru flestar styrkupphæðirnar á bilinu 1-2 m.kr. Hæsta styrkinn, 2.5 m. kr.hlaut fatahönnuðurinn Bóas Kristjánsson fyrir kynningu á vörumerki sínu á alþjóðlegum hátískumarkaði. Alls voru veittir styrkir til markaðssetningar erlendis að upphæð 7 m.kr. en sjóðnum er m.a. ætlað að stuðla að auknum útflutningi íslenskrar hönnunar. 

Styrkir til þróunar- og rannsókna nema 1.5 m.kr. en ríflega helmingur sjóðsins rennur til verkefnastyrkja eða rúmlega 9 m.kr. Þar að auki voru veittir tíu ferðastyrkir að upphæð 100 þús.kr. hver.

Meðal verkefna sem hlutu styrk eru þróun á nýjum fata-, vöru- og húsgagnalínum. Þá hljóta fatahönnunarfyrirtæki, grafískir hönnuðir, vöru- og húsgagnahönnuðir, leirkerahönnuðir og hönnunargallerí styrki til markaðssetningar erlendis. Styrkt er til úgáfu á upplýsingarriti um hlutverk arkitekta, sem og sýningarhalds á landsbyggðinni. Styrkirnir dreifast jafnt til ungra hönnuða og reyndari sem hyggja á frekari landvinninga. 

Þeir sem fengu úthlutaðan styrk að þessu sinni eru:

Bóas Kristjánsson	Heiti verkefnis KRISTJANSON; kynning, sala og framsetning vörumerkis á alþjóðlegum hátískumarkaði	Upphæð 2.500.000
Reykjavík Letterpress	Einstakar servíettur og fylgihlutir á danskan markað	2.000.000
Sigríður Sigurjónsdóttir	SPARK DESIGN SPACE – markaðs- og kynningarstyrkur	2.000.000
Studiobility ehf.	Selected by Bility - Markaðssetning	2.000.000
Þórunn Árnadóttir	Sipp og Hoj	1.500.000
Ígló ehf.	Hönnunarverkefnið – Songs from the horizon	1.500.000
Magnea Einarsdóttir	magnea	1.500.000
Elísabet V. Ingvarsdóttir	Falinn skógur og nýting hans - Hönnunarsýning í Djúpavík á Ströndum	1.000.000
Guðrún Valdimarsdóttir	Húsgagnalína	1.000.000
Go Form	Go Form Concept húsgögn	1.000.000
Ólöf Jakobína Ernudóttir	Jökla - markaðssetning	800.000
Arkitektafélag Íslands	Hvað gera arkitektar?	350.000
Rebekka Jónsdóttir	Viðskiptaáætlun REY	300.000

Eftirtaldir hlutu ferðastyrk að upphæð 100 þús. kr.:

• Arndís Sigríður Árnadóttir 
  
• Fatahönnunarfélag Íslands 
  
• Hanna Dís Whitehead
  
• Hildur Ýr Jónsdóttir
  
• Hjördís Sigurgísladóttir og Dennis Davíð Jóhannesson
  
• Ingibjörg Guðmundsdóttir
  
• JÖR ehf.
  
• Sigríður Ólafsdóttir
  
• Steinunn Sigurðardóttir 
  
• Þórunn Hannesardóttir.