NOTE: This article is more than 5 years old.
03 febrúar 2015
/
Tannverndarvika 2015
Embætti landlæknis stendur fyrir árlegri tannverndarviku 2. til 7. febrúar 2015 í samvinnu við Tannlæknafélag Íslands sem mun heimsækja 10. bekki grunnskólanna í vikunni.
Tannverndarvikan þetta árið er helguð því að kynna landsmönnum mikilvægi þess að draga úr sykurneyslu undir kjörorðinu Sjaldan sætindi og í litlu magni.
Að þessu tilefni kynnir Embætti landlæknis nýjan vef, www.sykurmagn.is. Á vefnum er að finna myndrænar upplýsingar um viðbættan sykur í ýmsum matvælum, einkum sætindum og sykruðum gos- og svaladrykkjum.
Með hjálp vefsins geta foreldrar hjálpað börnum sínum að læra að velja æskilegar vörur með minna magni af viðbættum sykri en aðrar sambærilegar vörur. Þá mun vefurinn einnig nýtast í kennslu.