Auknir möguleikar á útflutningi matvæla til Kína

Sigurður Ingi Jóhannsson sjávarútvegs- og landbúnaðarráðherra undirritaði  í dag samstarfssamning milli Kína og Íslands um gagnkvæma viðurkenningu á eftirliti á hollustuháttum í viðskiptum á sviði matvæla á milli landanna. Að hálfu Kína undirritaði Mei Kebao aðstoðarráðherra samninginn en ráðuneyti hans fer með yfirstjórn gæðaeftirlits matvæla í Kína. 

Fríverslunarsamningur Íslands og Kína tók gildi 1. júlí 2014 og er þetta samkomulag forsenda fyrir útflutningi íslenskra fyrirtækja á matvælum til Kína og opnast með því möguleikar til enn frekari viðskipta.