Orkumálaráðherrar ESB- og EFTA-landanna funda

Iðnaðar- og viðskiptaráðherra, Ragnheiður Elín Árnadóttir, tók í dag þátt í ráðherrafundi orkumálaráðherra ESB- og EFTA-landanna í Amsterdam. Á fundinum var rætt um þróun á orkumörkuðum í Evrópu og mikilvægi þess að auka hlut endurnýjanlegra orkugjafa innan Evrópu. 

Jafnframt var sérstök umræða um orkuöryggi og aukið samstarf milli aðildarríkjanna á sviði orkumála. Á fundinum lagði Ragnheiður Elín m.a. áherslu á möguleika á nýtingu jarðvarma þegar rætt er um endurnýjanlega orkugjafa.