NOTE: This article is more than 5 years old.
02 febrúar 2017
/
Ísland ljóstengt 2017 – niðurstaða opnunar styrkbeiðna
Fjarskiptasjóður úthlutar styrkjum til sveitarfélaga til ljósleiðaravæðingar í dreifbýli utan markaðssvæða. Í fyrra hlutu 14 sveitarfélög alls 450 m.kr. styrk til þess að tengja um 1.000 lögheimili og vinnustaði.
Umsóknar- og úthlutunarferli vegna fyrirhugaðra framkvæmda sveitarfélaga 2017 er langt komið. Þann 1. febrúar s.l. voru opnaðar samtals 146 styrkbeiðnir frá 34 sveitarfélögum. Mat á þeim umsóknum liggur fyrir. Alls eiga 23 sveitarfélög nú kost á alls 450 m.kr. styrk til þess að tengja um 1.800 lögheimili og vinnustaði með ljósleiðara. Þar af verða um 400 byggingar tengdar um fyrirliggjandi ljósleiðararör.
Í stefnuyfirlýsingu ríkisstjórnarinnar er Ísland ljóstengt lykilaðgerð í byggðamálum.
Birt með fyrirvara um reikni- og innsláttarvillur.