Skýrsla gefin út um stöðu Norðurlanda á sviði heilsu og velferðar

Skýrsla um stöðu Norðurlanda á sviði heilsu og velferðar hefur verið gefin út undir yfirskriftinni „State of the Nordic Region 2020 – Wellbeing, health and digitalization edition”. Í skýrslunni er fjallað um tækifæri og áskoranir sem felast í fjarheilbrigðisþjónustu á Norðurlöndum.

Nordregio, norræna rannsóknastofnunin um byggðaþróun, sem heyrir undir Norrænu ráðherranefndina, gefur skýrsluna út. Skýrslan var kynnt á sérstökum kynningarfundi í síðustu viku.

Við sama tækifæri var kynnt sérstök skýrsla um byggðaþróun í tengslum við fjarheilbrigðis- og fjarfélagsþjónustu (Digital Health Care and Social Care - Regional Development Impacts in the Nordic Countries).

• Skýrsla um stöðu Norðurlanda á sviði heilsu og velferðar
• Skýrsla um byggðaþróun í tengslum við fjarheilbrigðis- og fjarfélagsþjónustu
• Upptaka af fyrsta fundi á vefráðstefnu Nordregio Forum 2020 þar sem skýrslurnar voru kynntar