Fundur með Juneyao Air

Þann fjórða nóvember funduðu fulltrúar Íslands með forseta flugfélagsins Juneyao Air, Zhao Hong Liang, og öðrum fyrirsvarsmönnum flugfélagsins. Fundurinn fór fram í Shanghai samhliða þátttöku starfsfólks sendiráðs Íslands á hinni árlegu innflutningskaupstefnu CIIE (China International Import Expo) sem haldin er dagana 4. til 9. nóvember.

Flugfélagið hefur verið áhugasamt um að hefja flug til Íslands frá Kína og sótti um leyfi til þess á grundvelli loftferðasamnings á milli Íslands og Kína. Flug átti að hefjast nú í sumar en heimsfaraldurinn hefur tafið þær áætlanir. Á fundinum lýstu fulltrúar flugfélagsins yfir áframhaldandi áhuga á flugi til Íslands þegar ástandið er yfirstaðið.