Frumsýning heimildarmyndar um íslenskt tónlistarhandrit frá miðöldum

Fjölmenni var á frumsýningu heimildarmyndarinnar "Le chant des origines - Le manuscrit grégorien d'Islande" eftir Marie Arnaud og Jacques Debs.

Heimildarmyndin fjallar um íslenskt tónlistarhandrit frá miðöldum, tileinkað Þorláki helga og skráð á latínu af íslenskum munkum. Sverrir Guðjónsson kontratenór, Philippe Lenoble, fyrrverandi kórstjóri dómkirkjunnar í Mans og munkar Bénédictine reglunnar unnu saman að túlkun handritsins.

Unnur Orradóttir Ramette, sendiherra, hélt ávarp við frumsýningu myndarinnar sem haldin var í samstarfi við sendiráðið. Heimildarmyndin verður sýnd á næstu dögum í franska ríkissjónvarpinu.