Starfshópur um einn feril húsnæðisuppbyggingar

Innviðaráðherra hefur skipað starfshóp um einn feril húsnæðisuppbyggingar. Verkefni hópsins er að gera tillögur að umbótum varðandi ólík ferli varðandi skipulags- og byggingarmál tengdum uppbyggingu á húsnæði, ýmist í verklagi eða regluverki. Hópurinn á að skila tillögur fyrir lok maí nk.

Hópnum er falið að fara yfir niðurstöður fyrirliggjandi vinnu varðandi ólík ferli skipulags- og byggingarmála og greina hvaða flöskuhálsar kunna að vera í kerfinu og hvaða þættir eru líklegir til að valda töfum.

Í starfshópnum sitja eftirtalin:

• Valdís Ösp Árnadóttir, fulltrúi innviðaráðuneytis
• Anna Guðmunda Ingvarsdóttir, fulltrúi Húsnæðis- og mannvirkjastofnunar
• Vigfús Þór Hróbjartsson, fulltrúi Sambands íslenskra sveitarfélaga
• Þorvarður Lárus Björgvinsson, fulltrúi Samtaka iðnaðarins
• Ólafur Árnason, fulltrúi Skipulagsstofnunar

Verkefnisstjóri er Pétur Ingi Haraldsson, skipulagsfulltrúi. Hópurinn mun eiga samtal við þá aðila sem koma að undirbúningi og uppbyggingu húsnæðis, s.s. fulltrúa uppbyggingaraðila, veitustofnana og sveitarfélaga. 

• Starfshópur um einn feril húsnæðisuppbyggingar