Arctica Finance til ráðgjafar vegna sölu eignarhluta ríkisins í Íslandsbanka

Fjármála- og efnahagsráðuneytið hefur ráðið Arctica Finance hf. sem sjálfstæðan fjármálaráðgjafa til að veita ráðuneytinu þjónustu og ráðgjöf varðandi skipulagningu og yfirumsjón á fyrirhuguðu markaðssettu útboði eða útboðum eignarhluta ríkisins í Íslandsbanka hf.

Útboð verða opin bæði almennum fjárfestum og fagfjárfestum í skilningi laga um markaði um fjármálagerninga. Fyrirvari er um að samningur aðila um fyrrgreinda þjónustu muni falla niður ef frumvarp um ráðstöfun eignarhlutar í Íslandsbanka verður ekki að lögum.

• Nánari upplýsingar um Arctica Finance