Úrskurður 20/2024 Framboð til Alþingis

Tilvísun lks2024110002

 

Árið 2024, 3. nóvember kl. 15:00 kom landskjörstjórn saman til fundar í Þjóðminjasafni Íslands við Suðurgötu í Reykjavík til að úrskurða um gildi framboða við kosningar til Alþingis þann 30. nóvember 2024.

 

Fyrir er tekið framboð L-lista Lýðræðisflokksins – samtaka um sjálfsákvörðunarrétt í Norðvesturkjördæmi og kveðinn upp svofelldur

 

úrskurður nr. 20/2024:

 

Hinn 31. október 2024 klukkan 11:55 móttók landskjörstjórn gögn frá L-lista Lýðræðisflokksins – samtaka um sjálfsákvörðunarrétt í Norðvesturkjördæmi við alþingiskosningar 30. nóvember 2024. 

 

Móttekinn var framboðslisti ásamt fylgigögnum, það er ein undirrituð yfirlýsing frambjóðanda framboðsins um að hann hafi leyft að setja nafn sitt á framboðslistann, upplýsingar um heiti stjórnmálasamtakanna sem bjóða listann fram og listabókstaf þeirra auk meðmæla til stuðnings framboðinu á 11 blaðsíðum og fyrir hvaða stjórnmálasamtök hann er boðinn fram. 

 

Sama dag kannaði landskjörstjórn tilkynningu um framboð og framboðslista L-lista Lýðræðisflokksins – samtaka um sjálfsákvörðunarrétt í Norðvesturkjördæmi til kosninga til Alþingis, þau meðmæli sem framboðinu fylgdu og önnur fylgigögn. Könnunin leiddi í ljós að yfirlýsingu 13 frambjóðenda um að þeir hafi leyft að setja nöfn sín á framboðslistann, undirrituð eigin hendi eða með fullgildri rafrænni undirskrift í samræmi við a. lið 1. mgr. 39. gr. kosningalaga nr. 112/2021, skorti.

 

Á grundvelli 1. mgr. 44. gr. kosningalaga nr. 112/2021 hélt landskjörstjórn fund klukkan 21:00 þann 31. október 2024 þar sem umboðsmönnum allra þeirra framboða sem skilað höfðu framboðslistum var veittur kostur á að vera viðstaddir. Á þeim fundi var m.a. tilkynnt að komið hefðu fram gallar á  framboði L-lista Lýðræðisflokksins – samtaka um sjálfsákvörðunarrétt í Norðvesturkjördæmi og að umboðsmönnum listans væri gefinn kostur á að bæta úr þeim göllum, þ.e. að yfirlýsingu þrettán frambjóðenda skorti.

 

Síðar sama kvöld, klukkan 22:42, sendi landskjörstjórn L-lista Lýðræðisflokksins – samtaka um sjálfsákvörðunarrétt í Norðvesturkjördæmi tölvupóst með nánari upplýsingum um gallana og veitti framboðinu frest til klukkan 21:00 þann 1. nóvember 2024, í því skyni að bæta úr þeim, í samræmi við heimild 1. mgr. 44. gr. kosningalaga nr. 112/2021.

 

Klukkan 23:00 þann 31. október 2024 barst landskjörstjórn, í tölvupósti, samþykki þeirra þrettán frambjóðenda sem skorti, um að þeir hafi leyft að setja nöfn sín á framboðslistann, undirrituð með fullgildri rafrænni undirskrift.

 

Landskjörstjórn hefur á ný farið yfir öll gögn sem lögð hafa verið fram af L-lista Lýðræðisflokksins – samtaka um sjálfsákvörðunarrétt í Norðvesturkjördæmi og leiddi könnunin í ljós að framboðið uppfyllir skilyrði kosningalaga nr. 112/2021.

 

Á grundvelli framangreinds er það niðurstaða landskjörstjórnar að framboð L-lista Lýðræðisflokksins – samtaka um sjálfsákvörðunarrétt í Norðvesturkjördæmi við kosningar til Alþingis þann 30. nóvember 2024 sé gilt. 

 

ÚRSKURÐARORÐ

Framboðslisti L-lista Lýðræðisflokksins – samtaka um sjálfsákvörðunarrétt í Norðvesturkjördæmi við kosningar til Alþingis þann 30. nóvember 2024 er gildur.

 

Landskjörstjórn 

 

Kristín Edwald formaður

Arnar Kristinsson

Elín Ósk Helgadóttir

Hulda Katrín Stefánsdóttir

Magnús Karel Hannesson