Fimm umsækjendur um embætti landlæknis

Fimm sóttu um embætti landlæknis sem auglýst var laust til umsóknar um miðjan desember síðastliðinn. Umsóknarfrestur rann út í gær.

Umsækjendur eru eftirtaldir:

• Björg Þorsteinsdóttir, læknir/ráðgjafi
• Eik Haraldsdóttir, lífeindafræðingur
• Elísabet Benedikz, yfirlæknir
• María Heimisdóttir, yfirlæknir
• Ólafur Baldursson, sérfræðingur (framkvæmdastjóri lækninga í leyfi)

Heilbrigðisráðherra skipar í embætti landlæknis til fimm ára í senn, að undangengnu mati sérstakrar nefndar sem starfar á grundvelli 9. gr. laga um heilbrigðisþjónustu um mat á hæfni umsækjenda.