Samstarfsvettvangur um mannvirkjarannsóknir og -prófanir stofnaður í dag

Samstarfsvettvangur um mannvirkjarannsóknir og prófanir verður formlega stofnaður á viðburði sem haldinn verður hjá Húsnæðis- og mannvirkjastofnun, HMS, í hádeginu í dag, mánudaginn 10. nóvember kl. 12:00-13:00.

Hægt er að fylgjast með viðburðinum í streymi:

Hlutverk samstarfsvettvangsins er að efla slagkraft, sýnileika og samhæfingu rannsókna og prófana í  húsnæðis- og mannvirkjagerð á Íslandi. Að samstarfinu koma stjórnvöld, menntastofnanir og atvinnulíf.

Meðal þeirra sem koma fram á viðburðinum eru:

• Inga Sæland, félags- og húsnæðismálaráðherra
• Logi Einarsson, menningar-, nýsköpunar- og háskólaráðherra
• Hermann Jónasson, forstjóri HMS
• Sigríður Ósk Bjarnadóttir, framkvæmdastjóri umhverfis- og gæðasviðs Hornsteins og fulltrúi í vísindaráði
• Elín Þórólfsdóttir, teymisstjóri starfsumhverfis mannvirkjagerðar

Í pallborði verða:

• Jóhanna Klara Stefánsdóttir, sviðsstjóri mannvirkjasviðs hjá Samtökum iðnaðarins
• Ólafur Sveinn Haraldsson, forstöðumaður rannsókna hjá Vegagerðinni og aðjúnkt Háskóla Íslands
• Ólafur Haralds Wallevik – PhD, prófessor í byggingarverkfræði í Háskólanum í Reykjavík
• Þórunn Sigurðardóttir, framkvæmdastjóri mannvirki og sjálfbærni hjá HMS

Einnig er hægt að mæta í salinn og er fólk þá beðið um að skrá sig. Viðburðurinn fer fram hjá HMS í Borgartúni 21.