Mál nr. 101/2025 Úrskurður 19. nóvember 2025

Mál nr. 101/2025                  Eiginnafn: Aþanasíus (kk.)

Hinn 19. nóvember 2025 kveður mannanafnanefnd upp svohljóðandi úrskurð í máli 101/2025 en erindið barst nefndinni 8. október 2025.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

1. Eiginnafn skal geta tekið íslenska eignarfallsendingu eða hafa unnið sér hefð í íslensku máli.
2. Nafnið má ekki brjóta í bág við íslenskt málkerfi.
3. Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
4. Eiginnafn má ekki vera þannig að það geti orðið nafnbera til ama.

Eiginnafnið Aþanasíus (kk.) tekur íslenskri beygingu í eignarfalli, Aþanasíusar, og uppfyllir að öðru leyti ákvæði 5. gr. laga um mannanöfn.

Úrskurðarorð:

Beiðni um eiginnafnið Aþanasíus (kk.) er samþykkt og skal nafnið fært á mannanafnaskrá.