Hver er staða fæðuöryggis á Íslandi?

Atvinnuvegaráðuneytið stendur fyrir málþingi um stöðu fæðuöryggis á Íslandi. Þingið er haldið í Kaldalóni í Hörpu, 27. nóvember og stendur frá kl. 14.00 til 16.00.

Kristján Kristjánsson fjölmiðlamaður er stjórnandi málþingsins þar sem kynntar verða tvær nýjar skýrslur um fæðuöryggi sem hafa verið unnar fyrir atvinnuvegaráðuneytið:

• Skýrsla Landbúnaðarháskóla Íslands eftir Torfa Jóhannesson sem fjallar um neyðarbirgðir fyrir íslenska matvælaframleiðslu.
  
  
• Skýrsla Matvæla- og næringarfræðideildar Háskóla Íslands segir frá tillögum að neyðarbirgðum matvæla á Íslandi. Höfundar eru Sara Björg Guðjónsdóttir, María Guðjónsdóttir, Ólöf Guðný Geirsdóttir og Ólafur Ögmundarson.
  
  
• Einnig verður kynnt nýtt mælaborð um stöðu og horfur fæðuöryggis á Íslandi sem er unnið af Torfa Jóhannessyni og og Ullu Agerskov hjá Nordic Insights.

Á þinginu verða pallborðsumræður þar sem verður farið yfir stöðu fæðuöryggis á Íslandi. Þátttakendur koma úr atvinnulífinu, háskólasamfélaginu og stjórnkerfinu.

Dagskrá

14.00 - Setning málþings – Hanna Katrín Friðriksson atvinnuvegaráðherra
14.15 - Torfi Jóhannesson kynnir mælaborð um stöðu og horfur fæðuöryggis á Íslandi ásamt skýrslu um neyðarbirgðir fyrir íslenska matvælaframleiðslu.

14.40 - Pallborð - Hver er staða fæðuöryggis á Íslandi?

• Sigurður Helgi Birgisson, viðskiptastjóri á iðnaðar- og hugverkasviði hjá Samtökum iðnaðarins
  
  
• Guðrún Hulda Pálsdóttir fyrrum ritstjóri Bændablaðsins og meistaranemi
  
  
• Torfi Jóhannesson, ráðgjafi hjá Nordic Insights og höfundur skýrslu um um neyðarbirgðir fyrir íslenska matvælaframleiðslu
  
  

15.00 - Kaffihlé

15.10 - Ólafur Ögmundarson, dósent við Matvæla- og næringarfræðideild HÍ kynnir skýrslu um tillögur að neyðarbirgðum matvæla á Íslandi

15.30 – Pallborð - Er nauðsynleg seigla samfélagsins til staðar?

• Benedikt S. Benediktsson, framkvæmdastjóri SVÞ
  
  
• Hinrika Sandra Ingimundardóttir, verkefnisstjóri á varnarmálaskrifstofu utanríkisráðuneytisins
  
  
• Jóhanna Eyrún Torfadóttir, verkefnisstjóri næringar hjá embætti landlæknis.
  
  
• Ólafur Ögmundarson , dósent við Matvæla- og næringarfræðideild HÍ

15.55 – Lokaorð - Hanna Katrín Friðriksson atvinnuvegaráðherra

16.00 - Þinglok

Streymt verður frá þinginu sem er opið öllum þeim sem áhuga hafa á málefninu.