Styrkir Hugarafl

Ragnar Þór Ingólfsson, félags- og húsnæðismálaráðherra, Auður Axelsdóttir, framkvæmdastjóri Hugarafls, hafa undirritað samkomulag um styrk til Hugarafls.

Hugarafl er starfrækt fyrir þau sem hafa gengið í gegnum andlegar áskoranir og aðstandendur þeirra. Hjá Hugarafli er einstaklingnum veittur stuðningur við að ná bata og stjórn á eigin lífi með einstaklingsmiðaðri nálgun. Nálgun Hugarafls er persónuleg og samstarf fagfólks og notenda geðheilbrigðisþjónustunnar fer fram á jafningjagrunni. Notendur móta eigin endurhæfingu og veita öðrum stuðning sem eru í svipuðu ferli.

Markmið Hugarafls eru: 

• að uppræta fordóma í íslensku samfélagi, 

• að efla hlutverk og þátttöku einstaklinga með andlegar áskoranir í samfélaginu, 

• að efla þekkingu almennings og fagfólks á bataferli einstaklinga sem eru að efla geðheilsu sína, 

• að kynna og starfa eftir hugmyndafræði valdeflingar og batamódelsins, 

• að starfrækja og þróa þjónustu og úrræði fyrir einstaklinga sem eru að efla geðheilsu sína samkvæmt ofangreindri hugmyndafræði. 

Styrkupphæðin nemur 12 milljónum króna.

Grétar Björnsson, Auður Axelsdóttir, Ragnar Þór Ingólfsson, félags- og húsnæðismálaráðherra, og Rakel Björk Haraldsdóttir.