Frammistaða nemenda úr einstökum grunnskólum á lokaprófum í framhaldsskóla

Mennta- og barnamálaráðuneytið hefur tekið saman upplýsingar um frammistöðu nemenda úr einstökum grunnskólum á lokaprófum í framhaldsskóla.

Tilefnið er fyrirspurn frá Alþingi þess efnis. Teknar voru saman upplýsingar um

• hvaðan nemendur sem útskrifuðust úr framhaldsskóla á skólaárinu 2023–2024 höfðu lokið grunnskólanámi,
• hlutfall innritaðra framhaldsskólanemenda á almennri bóknámsbraut sem luku framhaldsskólanámi á þremur árum skólaárið 2023–2024,
• meðaleinkunn nemenda í íslensku og stærðfræði við lok grunnskóla fyrir hvern grunnskóla landsins,
• meðaleinkunn nemenda við útskrift úr framhaldsskóla sundurliðað eftir grunnskólum,
• meðaleinkunn í íslensku og stærðfræði við lok grunnskóla sundurliðuð eftir grunnskólum og framhaldsskólum.

Gögnin eru birt hér:

• Skýrsla mennta- og barnamálaráðherra um frammistöðu nemenda úr einstökum grunnskólum á lokaprófum í framhaldsskólum

Í beinum samanburði milli skóla er bent á að einkunnir eru ekki samanburðarhæfar á milli grunnskóla eða á milli framhaldsskóla þar sem samræmt námsmat var ekki til staðar á því tímabili sem um ræðir. Einn helsti áhrifaþáttur á frammistöðu nemenda er menntunarstig og félagsleg staða foreldra, sem einnig ber að hafa í huga í samanburði milli skóla og milli svæða.