49 verkefni styrkt í vorúthlutun Tækniþróunarsjóðs

Stjórn Tækniþróunarsjóðs hefur samþykkt að bjóða fulltrúum 49 verkefna að ganga til samninga um nýja styrki í vorúthlutun sjóðsins 2026. Heildarfjárhæð styrkja til nýrra verkefna nemur 803 milljónum króna.

Alls bárust 373 umsóknir í styrktarflokkana og hafa 49 verkefni verið valin til samningaviðræðna um styrki. Árangurshlutfall styrktra verkefna miðað við fjölda umsókna er því 13%.

Fyrir vorúthlutun 2026 voru eftirtaldir styrktarflokkar auglýstir:

• Sproti
• Vöxtur
• Markaðsþróun
• Markaðssókn
• Hagnýt rannsóknarverkefni

Styrkveiting til nýrra verkefna nemur samtals 803 milljónum króna. Þar sem verkefnin geta staðið yfir í allt að þrjú ár nemur heildarskuldbinding sjóðsins vegna þeirra 1.595 milljónum króna. Sjóðurinn er fjármagnaður af menningar-, nýsköpunar- og háskólaráðuneytinu.

Áður hafði verið tilkynnt um úthlutun úr styrktarflokknum Fræ.

Haft verður samband við verkefnisstjóra þeirra verkefna sem valin voru til styrkveitinga og þeir boðaðir til samningafundar.

Verkefnin sem valin voru til styrkveitinga endurspegla fjölbreytni íslenskrar nýsköpunar og ná meðal annars til heilbrigðistækni, gervigreindar, sjálfbærrar matvælaframleiðslu, orkuskipta, hugbúnaðarlausna, líftækni og umhverfistækni.

Sjá yfirlit yfir verkefnin hér.