Kosning utan kjörfundar í Japan og í umdæmislöndum vegna þjóðaratkvæðagreiðslu um aðildarviðræður við ESB

Sendráð Íslands í Tókýó vekur athygli á utankjörfundaratkvæðagreiðslu vegna komandi þjóðaratkvæðagreiðslu um aðildarviðræður við Evrópusambandið sem fer fram á Íslandi 29. ágúst næstkomandi.

Utankjörfundaratkvæðagreiðsla hjá sendiráði Íslands í Tókýó og kjörræðismönnum Íslands hefst mánudaginn 27. júlí.

Opnunartímar:

Hægt er að kjósa í sendiráði Íslands í Tókýó alla virka daga milli kl. 09:00 - 16:00 samkvæmt tímabókun.

• Mikilvægt: Panta þarf tíma með tölvupósti

 

Utankjörfundaratkvæðagreiðsla hjá kjörræðismönnum:

Hægt verður að kjósa utan kjörfundar hjá kjörræðismönnum Íslands í Jpana og í umdæmislöndum sendiráðsins, eftir tímapöntun.

• Nánari upplýsingar um opnunartíma er að finna á síðu utanríkisráðuneytisins.
• Athugið að þeir kjósendur sem hyggjast kjósa hjá kjörræðismönnum Íslands þurfa að hafa samband við kjörræðismenn fyrirfram.

Gagnlegar upplýsingar

Kjósendur þurfa að framvísa gildum persónuskilríkjum með nafni, kennitölu og mynd, svo sem vegabréfi, nafnskírteini eða ökuskírteini, eða á annan fullnægjandi hátt að mati kjörstjóra t.d ef kjósandi framvísar gildu erlendu skilríki og getur upplýst um íslenska kennitöluna sína og er sannarlega á kjörskrá. 

Íslenskir ríkisborgarar sem eru með lögheimili á Íslandi og hafa náð 18 ára aldri á kjördag hafa rétt til að greiða atkvæði.  

Íslenskur ríkisborgari sem hefur átt lögheimili á Íslandi, á kosningarrétt í 16 ár frá því að hann flytur lögheimili af landinu. Eftir þann tíma þarf kjósandi að sækja um að vera settur aftur á kjörskrá til Þjóðskrár Íslands. Hafi umsókn hans verið samþykkt gildir hún í fjögur ár. 

Kjörskrá verður birt 24. júlí. Eftir þann tíma geta kjósendur flett upp hvort og hvar þeir eru á kjörskrá á vef Þjóðskrár. 


Hvernig kem ég atkvæði mínu til skila?

Kjósandi ber sjálfur ábyrgð á að koma atkvæði sínu á réttan stað. Hægt er að setja bréfið í póst, eða afhenda það einhverjum sem kjósandi felur að koma því til skila. Kjósandi getur beðið kjörstjóra um að setja atkvæði í almennan póst, en það tryggir ekki að atkvæðið berist í tæka tíð. 

Ef senda á atkvæði með pósti er mælt með að kjósa tímanlega og taka mið af sendingartíma og áreiðanleika póstþjónustu þess ríkis sem kosið er í. 


Nánari upplýsingar: 

Sjá vefsíðu Landskjörstjórnar  um framkvæmd utankjörfundaratkvæðagreiðslu 

Sjá upplýsingasíðu utanríkisráðuneytisins um þjóðaratkvæðagreiðslu um framhald aðildarviðræðna við Evrópusambandið 

Önnur lönd

Upplýsingar um sendiskrifstofur Íslands og kjörræðismenn eftir löndum.