Mál nr. 102/2025 Úrskurður 12. október 2025

Mál nr. 102/2025                  Eiginnafn: Ríma (kvk.)

Hinn 12. október 2025 kveður mannanafnanefnd upp svohljóðandi úrskurð í máli 102/2025 en erindið barst nefndinni 9. október 2025.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

1. Eiginnafn skal geta tekið íslenska eignarfallsendingu eða hafa unnið sér hefð í íslensku máli.
2. Nafnið má ekki brjóta í bág við íslenskt málkerfi.
3. Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
4. Eiginnafn má ekki vera þannig að það geti orðið nafnbera til ama.

Eiginnafnið Ríma (kvk.) tekur íslenskri beygingu í eignarfalli, Rímu, og uppfyllir að öðru leyti ákvæði 5. gr. laga um mannanöfn. Ríma er upprunalega arabískt nafn sem ritað er Reem(a) eða Rim(a) í enskri umritun en hér aðlagað íslenskri stafsetningu

Úrskurðarorð:

Beiðni um eiginnafnið Ríma (kvk.) er samþykkt og skal nafnið fært á mannanafnaskrá.