Efnisorð
Tegund

Leita eftir efnisorðum

Sýnir 1801–1850 af 13130
Raða eftir:
03. des. 2024Félags- og húsnæðismálaráðuneytið, Velferðarvaktin

Rannsókn á örorkulífeyri karla og kvenna

Velferðarvaktin, Tryggingastofnun ríkisins, Vinnueftirlitið og félags- og vinnumarkaðsráðuneytið munu standa saman að rannsókn á örorkulífeyri karla og kvenna. Félagsvísindastofnun Háskóla Íslands mun framkvæma rannsóknina, en í henni verður leitað svara við því hvers vegna konur á aldrinum 50 til 66 ára eru líklegri en karlar til að fá örorkulífeyri.

02. des. 2024Félags- og húsnæðismálaráðuneytið, Fatlað fólk

Réttindagæsla fyrir fatlað fólk flyst yfir til Mannréttindastofnunar

Alþingi vinnur nú að því að koma á fót Mannréttindastofnun Íslands og mun Réttindagæsla fyrir fatlað fólk færast frá félags- og vinnumarkaðsráðuneytinu til stofnunarinnar. Breytingarnar eru taldar tryggja betur sjálfstæði réttindagæslunnar, enda mun nýja stofnunin meðal annars hafa eftirlit með því hvernig stjórnvöld uppfylla samning Sameinuðu þjóðanna um réttindi fatlaðs fólks. Samningar um persónulega talsmenn fyrir fatlað fólk munu þó ekki færast til Mannréttindastofnunar heldur flytjast yfir til sýslumanns.

02. des. 2024Dómsmálaráðuneytið, Jafnrétti, Mannréttindi og jafnrétti, Félags- og húsnæðismálaráðuneytið

Norrænir ráðherrar sameina krafta sína gegn bakslagi í kynja- og hinsegin jafnrétti

Norrænir ráðherrar á sviði kynja- og hinsegin jafnréttis hétu því að standa vörð um og halda áfram baráttu Norðurlandanna fyrir kynja- og hinsegin jafnrétti á árlegum fundi sínum í Stokkhólmi á dögunum. Fimm ráðherrar Norðurlandanna skrifuðu undir yfirlýsingu undir yfirskriftinni Pushing for progress (Þrýst á framfarir) ​um sameiginlegt átak Norðurlandaþjóðanna á þessu sviði á fundinum. Bjarni Benediktsson, félags- og vinnumarkaðsráðherra, staðfesti þátttöku Íslendinga í yfirlýsingunni fyrir fundinn.

26. nóv. 2024Félags- og húsnæðismálaráðuneytið, Líf og heilsa, Málefni eldra fólks, Heilbrigðisráðuneytið

Þróunarverkefnið „Gott að eldast“ hefst í Dalvíkurbyggð

Heilbrigðisstofnun Norðurlands (HSN), Dalvíkurbyggð og hjúkrunarheimilið Dalbær á Dalvík hafa undirritað samning um rekstur samhæfðrar þjónustu eldri borgara í sveitarfélaginu. Samningurinn er byggður á aðgerðaáætlun stjórnvalda, "Gott að eldast", sem samþykkt var á Alþingi þann 10. maí 2023.

26. nóv. 2024Félags- og húsnæðismálaráðuneytið, Málefni eldra fólks

Bjartur lífsstíll fyrir eldra fólk

Bjarni Benediktsson, félags- og vinnumarkaðsráðherra, hefur veitt Landssambandi eldri borgara 15 milljóna króna styrk til verkefnisins Bjartur lífsstíll. Bjartur lífsstíll er samstarfsverkefni Landsambands eldri borgara (LEB) og Íþrótta- og Ólympíusambands Íslands (ÍSÍ). Markmiðið er að auka lífsgæði eldra fólks um land allt í gegnum markvissa hreyfingu og auka líkur á að fólk geti búið lengur í heimahúsum. Jafnframt er samstarf við Gott að eldast aðgerðaáætlun, Heilsueflandi samfélög og Þróunarmiðstöð íslenskrar heilsugæslu.

21. nóv. 2024Úrskurðarnefnd velferðarmála - Fæðingar- og foreldraorlof, Úrskurðir, Félags- og húsnæðismálaráðuneytið

Mál nr. 441/2024-Úrskurður

Aukinn réttur til fæðingarorlofs. Staðfest ákvörðun Fæðingarorlofssjóðs um að framlengja sameiginlegan rétt kærenda til greiðslna í fæðingarorlofi um 66 daga vegna sjúkrahúsdvalar tvíbura þeirra. Ekki fallist á að kærendur ættu rétt til lengingar fæðingarorlofs um samanlagðan dvalar- og umönnunartíma barnanna.

20. nóv. 2024Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 383/2024-Úrskurður

Endurhæfingarlífeyrir. Felld úr gildi ákvörðun Tryggingastofnunar ríkisins um upphafstíma endurhæfingarlífeyris og málinu vísað aftur til stofnunarinnar til nýrrar meðferðar. Að mati úrskurðarnefndar voru ekki fyrir hendi nægjanlegar upplýsingar til þess að leggja mat á hvort skilyrði greiðslna endurhæfingarlífeyris hafi verið uppfyllt á umdeildu tímabili, sbr. 46. gr. laga um almannatryggingar og 10. gr. stjórnsýslulaga.