Efnisorð
Tegund

Leita eftir efnisorðum

Sýnir 1851–1900 af 3225
Raða eftir:
31. des. 2021Utanríkisráðuneytið

Fréttaannáll utanríkisráðuneytisins árið 2021

Árið 2021 hefur verið viðburðaríkt í starfsemi utanríkisþjónustunnar. Skrifað var undir fríverslunarsamning við Bretland í júlí, ráðherrafundur Norðurskautsráðsins var haldinn í Reykjavík í maí og Ísland kjörið í framkvæmdastjórn UNESCO í nóvember, svo dæmi séu tekin. Utanríkisráðuneytið hefur tekið saman yfirlit helstu frétta ársins 2021 í meðfylgjandi fréttaannál.

30. des. 2021Utanríkisráðuneytið, WFP, Utanríkismál, Þróunarsamvinna, UNHCR

Tvö hundruð milljónir króna í alþjóðlega mannúðaraðstoð

Þórdís Kolbrún Reykfjörð Gylfadóttir utanríkis- og þróunarsamvinnuráðherra hefur ákveðið að úthluta 200 milljónum króna til mannúðaraðstoðar í Afganistan, Eþíópíu og Jemen. Að mati Sameinuðu þjóðanna hefur þörf á mannúðaraðstoð aldrei verið meiri og eykst dag frá degi. Áætlað er að um 274 milljónir manna þurfi á aðstoð að halda á næsta ári, tæplega fjörutíu milljónum fleiri en á árinu sem er að kveðja.

22. des. 2021Utanríkisráðuneytið, Loftslagsmál, Utanríkisviðskipti, Sendiráð Íslands í Peking, Utanríkismál

Utanríkisráðherrar Íslands og Kína funda í tilefni fimmtíu ára stjórnmálasambands ríkjanna

Samskipti Íslands og Kína í áranna rás, samstarfsmöguleikar ríkjanna á ýmsum sviðum, loftslagsmál og mikilvægi alþjóðasamstarfs voru helstu umræðuefnin á fjarfundi Þórdísar Kolbrúnar Reykfjörð Gylfadóttur utanríkis- og þróunarsamvinnuráðherra með Wang Yi utanríkisráðherra Kína fyrr í dag.

22. des. 2021Utanríkisráðuneytið, Utanríkismál, Alþjóðamál, Mannréttindi, Þróunarsamvinna, Mannréttindi og jafnrétti

Ísland styður verkefni sem miðar að því að útrýma fæðingarfistli í Síerra Leóne

Þórdís Kolbrún Reykfjörð Gylfadóttir, utanríkis- og þróunarsamvinnuráðherra, og Argentina Matavel-Piccin, yfirmaður skrifstofu Mannfjöldasjóðs Sameinuðu þjóðanna (UNFPA) fyrir Vestur- og Mið-Afríku, hafa skrifað undir samstarfssamning um verkefni sem styður stjórnvöld í Síerra Leóne í viðleitni sinni við að útrýma fæðingarfistli í landinu. Um er að ræða nokkuð algengt og mjög alvarlegt vandamál í landinu, en með verkefninu munu lífsgæði fjölda kvenna batna til mikilla muna. Verkefnið verður unnið í náinni samvinnu við heilbrigðisyfirvöld í Síerra Leóne en frjáls félagasamtök taka jafnframt þátt í því.

21. des. 2021Utanríkisráðuneytið, Öryggis- og varnarmál, Utanríkismál

Yfirlýsing norrænna varnarmálaráðherra um stöðuna í Úkraínu

Varnarmálaráðherrar Norðurlandanna hafa gefið út sameiginlega yfirlýsingu um málefni Úkraínu.. Þari lýsa þeir yfir áhyggjum af stöðu og þróun mála í Úkraínu, árétta stuðning Norðurlandanna við fullveldi og landamærahelgi landsins, og rétt úkraínsku þjóðarinnar til að ákvarða eigin framtíð án utanaðkomandi afskipta.

21. des. 2021Utanríkisráðuneytið, Alþjóðamál, Flóttafólk, Heimsmarkmiðin, Jafnrétti, Þróunarsamvinna, UN Women, Utanríkismál

66°Norður og UN Women fá styrk til atvinnusköpunar fyrir flóttakonur

66°Norður og UN Women á Íslandi hafa fengið styrk úr Heimsmarkmiðasjóði atvinnulífsins um þróunarsamvinnu til að vinna að verkefni til atvinnusköpunar fyrir flóttakonur frá þróunarríkjum í Tyrklandi. Þórdís Kolbrún Reykfjörð Gylfadóttir utanríkis- og þróunarsamvinnuráðherra og Bjarney Harðardóttir hjá 66°Norður skrifuðu undir samning í gær um tæplega 30 milljóna króna styrk ráðuneytisins gegn sambærilegu mótframlagi fyrirtækisins.

21. des. 2021Utanríkisráðuneytið, Þróunarsamvinna, Utanríkismál

Heimsmarkmiðasjóðurinn styður við samfélagsverkefni Kerecis í Egyptalandi

Framlag úr Heimsmarkmiðasjóði atvinnulífs um þróunarsamvinnu verður nýtt til að styðja við samstarf lækningafyrirtækisins Kerecis og egypska Ahl Masr-sjúkrahússins um að nota íslenskt sáraroð við meðhöndlun alvarlegra brunasára. Þórdís Kolbrún Reykfjörð Gylfadóttir, utanríkis- og þróunarsamvinnuráðherra og Guðmundur Fertram Sigurjónsson forstjóri Kerecis hafa undirritað samning um 30 milljóna króna stuðning ráðuneytisins úr Heimsmarkmiðasjóðnum við samfélagsverkefni Kerecis í Egyptalandi.

17. des. 2021Utanríkisráðuneytið, Alþjóðamál, Öryggis- og varnarmál, Utanríkismál

Úkraína í brennidepli á varnarmálaráðherrafundi NB8

Málefni Úkraínu voru til umfjöllunar á fjarfundi varnarmálaráðherra Norðurlandanna og Eystrasaltsríkjanna (NB8) í dag. Ríkin eru sammála um að sú staða sem þar er komin upp ​vegna umfangsmikillar hernaðaruppbyggingar Rússlands sé verulegt áhyggjuefni, ekki síst í samhengi við pólitískar yfirlýsingar rússneskra stjórnvalda að undanförnu.

17. des. 2021Utanríkisráðuneytið

Framlög til þróunarsamvinnu og samstarf við Síerra Leóne rædd á fundi þróunarsamvinnunefndar

Þróunarsamvinnunefnd fundaði í utanríkisráðuneytinu í gær og voru framlög til þróunarsamvinnu á næsta ári og samstarf Íslands við Síerra Leóne til umræðu, ásamt ýmsum öðrum málum. Áhersla var á fyrirsjáanlega aukna þörf á mannúðar- og neyðaraðstoð á næstu árum, meðal annars vegna þeirra truflana sem heimsfaraldurinn hefur valdið í hagkerfi heimsins. Þá var rætt um margvíslegar áherslur Íslands sem tengjast mannréttindum; einkum réttindum barna og kvenna.

13. des. 2021Utanríkisráðuneytið

Bóluefnasamstarf og mikilvægi menntunar rædd á ráðherrafundi

Þróunarsamvinnuráðherrar Norðurlanda hittust á sérstökum fjarfundi í dag og ræddu mikilvægi menntunar á átaka- og hamfarasvæðum, áhrif heimsfaraldursins á skólagöngu barna í þróunarríkjum og þýðingu skólamáltíða. Framlag Norðurlandanna til bóluefnasamstarfs var ofarlega á baugi og áskoranir tengdar framleiðslu og dreifingu bóluefnanna í þróunarríkjum. Þá voru réttindi fatlaðs fólks í þróunarríkjum og staðan í Eþíópíu einnig til umræðu.

12. des. 2021Utanríkisráðuneytið, Ræður og greinar

Forsenda siðmenningar eru friðsamleg viðskipti

12 desember 2021 / Utanríkisráðuneytið Forsenda siðmenningar eru friðsamleg viðskipti Áður en frumstæðir ættbálkar forfeðra okkar uppgötvuðu lífskjarabótina sem felst í friðsamlegri samvinnu og viðskiptum var lítið annað fyrir þá að gera en að leita leiða til þess að komast með yfirgangi og ofbeldi yfir sem mest af eigum hinna. Við slíkar aðstæður er orku mannanna sóað í að byggja upp árásarmátt og varnargetu í stað þess að henni sé varið í hugvit og athafnasemi sem nýtist til að skapa eitthvað sem öðrum gæti þótt eftirsóknarvert og verðmætt. Þetta er umhugsunarvert á þeim tímum sem við lifum nú

10. des. 2021Utanríkisráðuneytið

Tuttugu nemendur útskrifaðir úr Jafnréttisskóla GRÓ

Tuttugu nemendur útskrifuðust frá Jafnréttisskóla GRÓ í dag. Nemendurnir koma frá fimmtán löndum og þar á meðal eru í fyrsta sinn nemendur frá Egyptalandi, Kína, Mexíkó, Mongólíu, Namibíu og Nepal. Alls hafa 172 nemendur frá 31 landi nú útskrifast með diplóma á meistarastigi í alþjóðlegum jafnréttisfræðum frá Jafnréttisskóla GRÓ (GRÓ-GEST) við Hugvísindasvið Háskóla Íslands, en skólinn hefur verið starfræktur frá árinu 2009.

10. des. 2021Utanríkisráðuneytið

Ísland tvöfaldar framlög í sjóð til stuðnings hinsegin fólks

Ísland mun tvöfalda framlög sín til Hnattræna jafnréttissjóðsins (Global Equality Fund) en sjóðurinn beinir stuðningi sínum sérstaklega að mannréttindum hinsegin fólks. Þórdís Kolbrún Reykfjörð Gylfadóttir, utanríkis- og þróunarsamvinnuráðherra, tilkynnti um þetta á fundi Alþjóðamálastofnunar og Mannréttindastofnunar Háskóla Íslands sem haldinn var í tilefni alþjóðlega mannréttindadagsins í dag. Framlagið til sjóðsins nam áður hundrað þúsund Bandaríkjadölum en verður tvö hundruð þúsund.

10. des. 2021Annað, Brussel-vaktin, Utanríkisráðuneytið

Frakklandsforseti kynnir formennskuáform næstu 6 mánaða

Að þessu sinni er fjallað um • formennskuáform Frakka sem taka við keflinu 1. jan. 2022 • tilmæli um blandað nám í grunn- og framhaldsskóla • gagnvirkan leiðarvísi um styrki til skapandi greina • desemberfund fjármála- og efnahagsráðherra ESB • viðtal við Timmermans framkvæmdastjóra ESB sem ber ábyrgð á græna sáttmálanum • óvæntar lyktir máls framkvæmdastjórnarinnar á hendur Þýskalandi vegna forgangsáhrifa Evrópuréttar • afstöðu ráðherraráðsins til lágmarkslauna annars vegar og launagagnsæis hins vegar • fund samgönguráðherra ESB og forfund norrænu ráðherranna • netöryggismál o.fl. sem rædd voru á fundi fjarskiptaráðherra • nýja skýrslu um þróun menntamála í Evrópu

08. des. 2021Utanríkisráðuneytið, Alþjóðamál, Þróunarsamvinna, Utanríkismál

Ísland setur 95 milljónir í Neyðarsjóð Sameinuðu þjóðanna

Framlag Íslands til Neyðarsjóðs Sameinuðu þjóðanna (CERF) verður 95 milljónir króna á næsta ári. Þórdís Kolbrún R. Gylfadóttir, utanríkis- og þróunarsamvinnuráðherra, greindi frá þessari ákvörðun á framlagaráðstefnu sjóðsins í dag, en Ísland mun veita 45 milljón króna viðbótarframlag auk venjubundins 50 milljón króna framlags sem Ísland greiðir samkvæmt rammasamningi við sjóðinn.

07. des. 2021Utanríkisráðuneytið, Evrópusamvinna, Jafnrétti, Mannréttindi, Dómsmálaráðuneytið

María Rún kjörin til setu í GREVIO

María Rún Bjarnadóttir, lögfræðingur hjá Ríkislögreglustjóra og aðjúnkt við Háskólann á Akureyri, hefur fyrst Íslendinga verið kjörin til setu í GREVIO, eftirlitsnefnd Evrópuráðsins með Istanbúl-samningnum um aðgerðir gegn ofbeldi gagnvart konum og heimilisofbeldi. Nefndin er skipuð 15 sjálfstæðum og óvilhöllum sérfræðingum frá 34 aðildarríkjum samningsins.

01. des. 2021Utanríkisráðuneytið

Þórdís Kolbrún tók þátt í utanríkisráðherrafundi Atlantshafsbandalagsins

Fjölþáttaaðgerðir og hernaðaruppbygging Rússlands á landamærum Úkraínu og ástandið á landamærum Belarús og grannríkja voru efst á baugi á tveggja daga utanríkisráðherrafundi Atlantshafsbandalagsins sem lauk í Ríga nú síðdegis. Þórdís Kolbrún Reykfjörð Gylfadóttir utanríkis- og þróunarsamvinnuráðherra tók þátt í fundinum en þetta er fyrsti viðburðurinn sem hún tekur þátt frá því hún tók við embætti sínu í vikubyrjun.

27. nóv. 2021Heilbrigðisráðuneytið, Covid-19, Utanríkisráðuneytið

COVID-19: Hertar sóttvarnaaðgerðir á landamærum vegna nýja kórónaveiruafbrigðisins Ómíkron

Öllum sem koma til landsins og hafa dvalið meira en sólarhring síðastliðna 14 daga á skilgreindum hááhættusvæðum verður skylt að fara í PCR-próf við komuna til landsins og síðan í sóttkví sem lýkur með öðru PCR prófi fimm dögum síðar. Þetta gildir um alla sem dvalið hafa á hááhættusvæði, hvort sem þau eru bólusett eða ekki eða með sögu um fyrri sýkingu af Covid-19. Þessir einstaklingar þurfa jafnframt að framvísa neikvæðu Covid-prófi við byrðingu erlendis fyrir komuna til Íslands (þó að undanskildum þeim sem eru með tengsl við Ísland). Enn fremur ber þeim að fylla út rafrænt forskráningareyðublað þar sem m.a. kemur fram hvar þau hyggjast dvelja í sóttkví á Íslandi. Börn fædd 2016 og síðar eru undanskilin þessum reglum.…

26. nóv. 2021Utanríkisráðuneytið

Guðlaugur Þór fundaði með viðskiptafulltrúum breskra stjórnvalda

Sterk tengsl Íslands og Bretlands og áhersla beggja ríkja á að styrkja samstarf ríkjanna enn frekar í kjölfar útgöngu Breta úr Evrópusambandinu var efst á baugi á fundi Guðlaugs Þórs Þórðarsonar utanríkis- og þróunarsamvinnuráðherra með breska þingmanninum Felicity Buchan sem var nýverið skipuð af forsætisráðherra Bretlands sem sérstakur erindreki Bretlands til að efla viðskipti við Ísland. Guðlaugur Þór tók þátt í fundinum með fjarfundarbúnaði.