Efnisorð
Tegund

Leita eftir efnisorðum

Sýnir 2151–2200 af 3225
Raða eftir:
24. mar. 2021Covid-19, Forsætisráðuneytið, Utanríkisráðuneytið

Vegna frétta um bann framkvæmdastjórnar Evrópusambandsins um útflutning á bóluefni

Í ljósi fréttaflutnings í fjölmiðlum um að framkvæmdastjórn Evrópusambandsins hafi ákveðið að banna útflutning á bóluefni gegn kórónuveirunni til Íslands, auk annarra landa, vilja forsætisráðuneytið og utanríkisráðuneytið árétta eftirfarandi. Katrín Jakobsdóttir forsætisráðherra fékk í dag skýr skilaboð frá Ursulu von der Leyen, forseta framkvæmdastjórnar ESB, um að nýjar reglur ESB um útflutningshömlur á bóluefni muni ekki hafa áhrif á afhendingar bóluefna til Íslands frá aðildarríkjum ESB, í samræmi við þá samninga sem gerðir hafa verið.

24. mar. 2021Utanríkisráðuneytið

Sameiginleg yfirlýsing 19 ríkja vegna mannréttindabrota í Belarús

Guðlaugur Þór Þórðarson, utanríkis- og þróunarsamvinnuráðherra, greindi í dag frá stuðningi Íslands við stofnun alþjóðlegs vettvangs félagasamtaka sem hefur það hlutverk að afla og varðveita sönnunargögn fyrir alvarlegum mannréttindabrotum í Belarús (International Accountability Platform Belarus – IAPB). Ísland mun styðja við starf IAPB með framlagi að upphæð 50 þúsund evra, eða tæplega átta milljónir íslenskra króna.

23. mar. 2021Fjármála- og efnahagsráðuneytið, Innviðaráðuneytið, Umhverfis-٫ orku- og loftslagsráðuneytið, Utanríkisráðuneytið, Loftslagsmál, Forsætisráðuneytið, Atvinnuvegaráðuneytið

Framlög til loftslagsaðgerða aukin um milljarð á ári

Framlög til loftslagsmála verða aukin um 1 ma.kr. á ári á tímabilinu 2022-2031 samkvæmt áætlunum ríkisstjórnarinnar. Þetta kemur fram í fjármálaáætlun 2022-2026 sem fjármála- og efnahagsráðherra kynnti í gær og er liður í að mæta hertum markmiðum Íslands um samdrátt í losun gróðurhúsalofttegunda.

19. mar. 2021Utanríkisráðuneytið, Alþjóðamál, Heimsmarkmiðin, Leit og björgun, Loftslagsmál, Norðurslóðir, Utanríkismál

Utanríkis- og þróunarsamvinnuráðherra tók við tillögum að endurskoðaðri norðurslóðastefnu

Guðlaugur Þór Þórðarson utanríkis- og þróunarsamvinnuráðherra tók í dag við tillögum nefndar þingmanna úr öllum flokkum sem hann hafði falið að endurskoða stefnu Íslands í málefnum norðurslóða. Á grundvelli tillagna nefndarinnar mun utanríkis- og þróunarsamvinnuráðherra leggja fram á næstunni tillögu til þingsályktunar um nýja norðurslóðastefnu.

18. mar. 2021Utanríkisráðuneytið, Utanríkisviðskipti, Utanríkismál, Heimasendiherrar

Rafrænn viðskiptafundur Íslands og Tékklands á sviði nýsköpunar og grænna lausna

Íslenskar og tékkneskar tækninýjungar á sviði umhverfis- og loftslagsmála voru kynntar á rafrænum viðskiptafundi sem fór fram í morgun á milli Íslands og Tékklands. Guðlaugur Þór Þórðarson, utanríkis- og þróunarsamvinnuráðherra, flutti opnunarerindi ásamt utanríkisráðherra Tékklands, Tomáš Petříček

10. mar. 2021Utanríkisráðuneytið

Sjálfbær orkuskipti í þágu heimsmarkmiðanna

Guðlaugur Þór Þórðarson, utanríkis- og þróunarsamvinnuráðherra, tók í dag þátt í alþjóðlegum fjarfundi um sjálfbæra orku og heimsmarkmiðin á vettvangi Sameinuðu þjóðanna. Með fundinum var átaki til að lyfta hlut hreinnar orku við framfylgd heimsmarkmiðanna ýtt úr vör, en Ísland verður í forgrunni hóps sem beitir sér fyrir sjálfbærum orkuskiptum í þágu allra hinna heimsmarkmiðanna, með gagnsæjum og réttlátum hætti.

02. mar. 2021Utanríkisráðuneytið, Öryggis- og varnarmál, Utanríkismál, Sendiráð Íslands í Washington DC, Sendiskrifstofa

Árlegt samráð við Bandaríkin um öryggis- og varnarmál

Árlegt samráð við Bandaríkin um öryggis- og varnarmál fór fram í dag. Tvíhliða samstarf ríkjanna, samvinna á vettvangi Atlantshafsbandalagsins, öryggispólitísk málefni, norðurslóðir, loftslags-, mannréttinda- og lýðræðismál voru til umræðu á fundinum sem haldinn var gegnum fjarfundabúnað vegna heimsfaraldursins.

01. mar. 2021Heimsmarkmiðasjóður atvinnulífs, Utanríkisráðuneytið

Nýr styrktarflokkur til að hvetja fyrirtæki til þátttöku í þróunarsamvinnu

Í dag verður opnað fyrir umsóknir um Þróunarfræ, sem mun veita fyrirtækjum og einstaklingum forkönnunarstyrki til verkefna á sviði þróunarsamvinnu, einkum með tilliti til nýsköpunar á tímum COVID-19. Um er að ræða samstarfsverkefni Samstarfssjóðs við atvinnulíf um heimsmarkmið Sameinuðu þjóðanna á vegum utanríkisráðuneytisins og Tækniþróunarsjóðs á vegum atvinnuvega- og nýsköpunarráðuneytisins sem leggja hvor um sig allt að 50 milljónir króna í samstarfið. Umsýsla er á höndum Tækniþróunarsjóðs, en útfærsla styrkjanna verður byggð á styrkjaflokknum FRÆ.

26. feb. 2021Utanríkisráðuneytið, Atvinnuvegaráðuneytið

Nýr styrktarflokkur til að hvetja fyrirtæki til þátttöku í þróunarsamvinnu

Í dag verður opnað fyrir umsóknir um Þróunarfræ, sem mun veita fyrirtækjum og einstaklingum forkönnunarstyrki til verkefna á sviði þróunarsamvinnu, einkum með tilliti til nýsköpunar á tímum COVID-19. Um er að ræða samstarfsverkefni Samstarfssjóðs við atvinnulíf um heimsmarkmið Sameinuðu þjóðanna á vegum utanríkisráðuneytisins og Tækniþróunarsjóðs á vegum atvinnuvega- og nýsköpunarráðuneytisins sem leggja hvor um sig allt að 50 milljónir króna í samstarfið. Umsýsla er á höndum Tækniþróunarsjóðs, en útfærsla styrkjanna verður byggð á styrkjaflokknum FRÆ.

25. feb. 2021Utanríkisráðuneytið

Ráðstefna um plastmengun á norðurslóðum

Ríkisstjórn Íslands og Norræna ráðherranefndin standa fyrir alþjóðlegri ráðstefnu um plastmengun á norðurslóðum dagana 2.-9. mars næstkomandi. Megin tilgangur ráðstefnunnar er að varpa ljósi á fyrirliggjandi þekkingu á plastmengun í norðurhöfum, en einnig verður vikið að aðgerðum til að draga úr plastmengun í sjó. Um hundrað sérfræðingar víðsvegar að munu kynna niðurstöður úr nýlegum rannsóknum og kynna upplýsingar um ástand þessara mála á hafsvæðum norðurslóða.

24. feb. 2021Utanríkisráðuneytið, Utanríkismál, Fjarskipti, Öryggis- og varnarmál, Samgöngur og fjarskipti

Tillaga um útboð á ljósleiðaraþráðum Atlantshafsbandalagsins

Starfshópur utanríkis- og þróunarsamvinnuráðherra leggur til að hafinn verði formlegur undirbúningur útboðs á tveimur af þremur ljósleiðaraþráðum Atlantshafsbandalagsins á Íslandi í þágu samkeppni á fjarskiptamarkaði, þjóðaröryggis og varnarhagsmuna. Skýrsla starfshópsins var kynnt á blaðamannafundi í utanríkisráðuneytinu í morgun.

24. feb. 2021Rit og skýrslur, Samgöngur og fjarskipti, Fjarskipti, Öryggis- og varnarmál, Utanríkisráðuneytið

Ljósleiðaramál og útboð ljósleiðaraþráða

Guðlaugur Þór Þórðarson, utanríkis- og þróunarsamvinnuráðherra, skipaði í fyrra fimm manna starfshóp, undir forystu Haraldar Benediktssonar alþingismanns, um ljósleiðaramálefni, útboð ljósleiðaraþráða Atlantshafsbandalagsins og tengd málefni. Starfshópurinn skyldi gera heildstæða úttekt og mat á ljósleiðaramálum á Íslandi með tilliti til þjóðaröryggis og þjóðréttarlegra skuldbindinga Íslands, efna til samráðs við Atlantshafsbandalagið um hugsanlega hagnýtingu á aukagetu ljósleiðarakerfisins bandalagsins og leggja grunn að útboðsgögnum.Starfshópurinn hefur nú skilað skýrslu sem ber yfirskriftina Ljósleiðaramál og útboð ljósleiðaraþráða.

24. feb. 2021Utanríkisráðuneytið, Annað, Þróunarsamvinna, WFP, Malaví

Ísland veitir neyðaraðstoð í Malaví

Ísland veitir Matvælaáætlun Sameinuðu þjóðanna (WFP) í Malaví 26 milljónir króna til að bregðast við neyðarástandi vegna COVID-19. Með stuðningi Íslands setur WFP upp skimunar- og greiningaraðstöðu við landamærastöðvar Malaví og Sambíu og reisir sex bráðabirgðaskýli við sjúkrahús sem nýtast sem rannsóknarstofur og legudeildir fyrir COVID-19 smitaða.

23. feb. 2021Utanríkisráðuneytið, Utanríkismál, Covid-19, Mannréttindi, Mannréttindi og jafnrétti

Guðlaugur Þór ávarpaði mannréttindaráð Sameinuðu þjóðanna

Guðlaugur Þór Þórðarson utanríkis- og þróunarsamvinnuráðherra varaði við því að heimsfaraldurinn væri notaður sem átylla til að skerða frelsi og borgaraleg réttindi í ávarpi sínu í mannréttindarráði Sameinuðu þjóðanna í dag. Hann fagnaði sérstaklega ákvörðun Bandaríkjastjórnar að gerast aftur virkur þátttakandi í starfi mannréttindaráðsins. Ekki væri um gallalausa stofnun að ræða en einmitt þess vegna þyrftu lýðræðisríki að vinna að umbótum á mannréttindaráðinu og halda á lofti frelsi og mannréttindum.