Efnisorð
Tegund

Leita eftir efnisorðum

Sýnir 2501–2550 af 13130
Raða eftir:
22. jan. 2024Félags- og húsnæðismálaráðuneytið, Fatlað fólk

Mælti fyrir fyrstu landsáætlun í málefnum fatlaðs fólks

Guðmundur Ingi Guðbrandsson, félags- og vinnumarkaðsráðherra, mælti fyrir fyrstu landsáætlun í málefnum fatlaðs fólks á Alþingi nú í kvöld. Áætlunin felur í sér 57 aðgerðir til að koma í framkvæmd ákvæðum samnings Sameinuðu þjóðanna um réttindi fatlaðs fólks. Aðgerðirnar eru á ábyrgð níu ráðuneyta og byggja á víðtæku samráði.

22. jan. 2024Úrskurðarnefnd velferðarmála - Félagsþjónusta og húsnæðismál, Úrskurðir, Félags- og húsnæðismálaráðuneytið

Mál nr. 533/2023-Úrskurður

Fjárhagsaðstoð. Felld úr gildi synjun Reykjavíkurborgar á umsókn kæranda um fjárhagsaðstoð til framfærslu. Ekki rannsakað sérstaklega hvort bifreiðar sem skráðar voru á kæranda gætu nýst honum til framfærslu með einhverjum hætti en ýmist var um að ræða bifreiðar skráðar úr umferð, í lagi eða afskráðar.

19. jan. 2024Félags- og húsnæðismálaráðuneytið, Fatlað fólk

Styrkur til að efla vinasambönd fatlaðra ungmenna

Guðmundur Ingi Guðbrandsson, félags- og vinnumarkaðsráðherra, og Bergljót Borg, framkvæmdastjóri Styrktarfélags lamaðra og fatlaðra, hafa undirritað styrksamkomulag vegna verkefnisins Reykjadalsvinir. Markmið þess er að efla vinasambönd ungs fatlaðs fólks á aldrinum 18-35 ára og vinna gegn félagslegri einangrun, auka fjölbreytni í tækifærum fatlaðs fólks í félagsstarfi og stuðla að sjálfstæði í ákvarðanatöku og skipulagningu á eigin ferðalögum og afþreyingu.

18. jan. 2024Félags- og húsnæðismálaráðuneytið, Flóttafólk, Innflytjendur, Útlendingar

Samtal um stefnu í málefnum innflytjenda

Félags- og vinnumarkaðsráðuneytið vinnur nú í fyrsta sinn að stefnu og framtíðarsýn í málefnum innflytjenda. Markmiðið er að fólk sem sest að hér á landi hafi tækifæri til inngildingar (e. inclusion) og virkrar þátttöku í samfélaginu og á vinnumarkaði. Ráðuneytið býður til samtals hringinn í kringum landið og eru innflytjendur sérstaklega hvattir til að mæta.

12. jan. 2024Félags- og húsnæðismálaráðuneytið

Situr fund evrópskra félags- og vinnumarkaðsráðherra

Guðmundur Ingi Guðbrandsson, félags- og vinnumarkaðsráðherra, situr nú fund evrópskra félags- og vinnumarkaðsráðherra sem fram fer í Namur í Belgíu. Fundurinn hófst í morgun og lýkur síðdegis á föstudag. Í gær fundaði ráðherra einnig með félagsmálaráðherra Úkraínu, Oksana Zholnovych, og ræddu þau meðal annars ​ mikilvægi þess að þjóðir heimsins og þar á meðal Ísland haldi áfram sínum mikilvæga stuðningi við Úrkaínu.

08. jan. 2024Félags- og húsnæðismálaráðuneytið, Innflytjendur, Flóttafólk

Mannréttindaskrifstofa Íslands fær styrk til að veita innflytjendum lögfræðiráðgjöf

Guðmundur Ingi Guðbrandsson, félags- og vinnumarkaðsráðherra, og Margrét Steinarsdóttir, framkvæmdastjóri Mannréttindaskrifstofu Íslands, undirrituðu í dag áframhaldandi samning vegna verkefnis sem miðar að því veita innflytjendum sérhæfða lögfræðiráðgjöf um rétt sinn innan íslenska stjórnkerfisins. Ráðgjöfin er fólki að kostnaðarlausu.

05. jan. 2024Heilbrigðisráðuneytið, Utanríkisráðuneytið, Almannatryggingar og lífeyrir, Utanríkismál, Alþjóðamál, Félags- og húsnæðismálaráðuneytið

Samningur við Bretland um réttindi á sviði almannatrygginga tekur gildi

Samningur Íslands, Liechtenstein og Noregs við Bretland um samræmingu almannatrygginga sem undirritaður var í sumar, tók formlega gildi um áramótin eða 1. janúar sl. Hann kveður á um framtíðarfyrirkomulag réttinda á sviði almannatrygginga, aðallega hvað varðar lífeyrisréttindi og sjúkratryggingar þeirra sem ferðast eða flytjast milli landanna.