Efnisorð
Tegund

Leita eftir efnisorðum

Sýnir 2851–2900 af 3221
Raða eftir:
14. apr. 2018Evrópusamvinna, Utanríkisráðuneytið

Skýrsla um bætta framkvæmd EES-samningsins gefin út

Utanríkisráðuneytið hefur gefið út skýrsluna Gengið til góðs – skref í átt að bættri framkvæmd EES-samningsins. Í þessari viðamiklu skýrslu eru rakin ýmis álitamál sem tengjast samningnum, meðal annars tafir á upptöku og innleiðingu EES-gerða og þrengra svigrúm til að hafa áhrif á slíkar gerðir en jafnframt er sjónum beint að endurbótastarfi í þessum efnum.

13. apr. 2018Alþjóðamál, Alþjóðasamningar, Evrópusamvinna, Norrænt samstarf, Öryggis- og varnarmál, Þróunarsamvinna, Utanríkisviðskipti, Utanríkismál, Utanríkisráðuneytið

Skýrsla utanríkisráðherra um utanríkis- og alþjóðamál

Guðlaugur Þór Þórðarson utanríkisráðherra flutti í dag Alþingi skýrslu sína um utanríkis- og alþjóðamál. Skýrslan gefur greinargott yfirlit yfir stöðu utanríkismála Íslands og helstu atburði á þeim vettvangi undanfarna tólf mánuði, með áherslu á þær breytingar sem nú eru til framkvæmdar í utanríkisþjónustunni.

05. apr. 2018Utanríkisráðuneytið, Þróunarsamvinna

Skrifað undir rammasamning við Rauða krossinn á Íslandi

Sturla Sigurjónsson, ráðuneytisstjóri í utanríkisráðuneytinu, og Sveinn Kristinsson, formaður Rauða krossins á Íslandi, skrifuðu í morgun undir rammasamning um stuðning ráðuneytisins við alþjóðlega mannúðaraðstoð Rauða krossins á Íslandi. Samningurinn gildir til loka árs 2020 og felur í sér fyrirsjáanleg framlög til mannúðarverkefna Rauða krossins yfir tímabilið. Hann er gerður í framhaldi af samstarfsyfirlýsingu beggja aðila frá því í febrúar 2017.

27. feb. 2018Utanríkisráðuneytið, Utanríkismál, Mannréttindi og jafnrétti

Utanríkisráðherra ræddi mannréttindi við utanríkisráðherra Filippseyja

Guðlaugur Þór Þórðarson utanríkisráðherra átti í dag fund með Peter S. Cayetano, utanríkisráðherra Filippseyja, í Genf en ráðherra gerði í ræðu sinni fyrir Mannréttindaráði SÞ í gær stöðu mannréttinda á Filippseyjum að sérstöku umtalsefni. Ráðherra átti jafnframt tvíhliða fundi með utanríkisráðherrum Spánar, Kanda og Liechtenstein og ræddi einnig við embættismenn hjá SÞ.

26. feb. 2018Utanríkisráðuneytið, Utanríkismál, Mannréttindi og jafnrétti

Utanríkisráðherra ávarpar Mannréttindaráð SÞ

Guðlaugur Þór Þórðarson utanríkisráðherra brýndi aðildarríki Sameinuðu þjóðanna til að virða grundvallarmannréttindi í ræðu sinni fyrir Mannréttindaráði SÞ í morgun. Hann lýsti yfir þungum áhyggjum af ofbeldinu í Sýrlandi og Jemen og skoraði á stjórnvöld í Filippseyjum að heimila óháðum eftirlitsmönnum að kanna þar ástand mannréttindamála.

07. feb. 2018Þróunarsamvinna, UNICEF, Sameinuðu þjóðirnar, Utanríkisráðuneytið

Ráðherra á fundum með þremur framkvæmdastjórum SÞ stofnana

Guðlaugur Þór Þórðarson, utanríkisráðherra átti í vikunni fundi með framkvæmdastjórum þriggja stofnana Sameinuðu þjóðanna sem íslensk stjórnvöld eru í samstarfi við, þ.e. Mannfjöldasjóð Sameinuðu þjóðanna (UNFPA), Palestínuflóttamannahjálp Sameinuðu þjóðanna (UNRWA) og Barnahjálp Sameinuðu þjóðanna (UNICEF). Hann undirritaði rammasamning um áframhaldandi stuðning við UNFPA og UNRWA en rammasamningur við UNICEF er nú þegar í gildi.

06. feb. 2018Utanríkisráðuneytið, Utanríkismál, Loftslagsmál, Mannréttindi, Þróunarsamvinna, Mannréttindi og jafnrétti

Lýsti stuðningi við áherslur aðalframkvæmdastjóra SÞ

Guðlaugur Þór Þórðarson utanríkisráðherra átti í gær fund með António Guterres, aðalframkvæmdastjóra Sameinuðu þjóðanna, í höfuðstöðvum stofnunarinnar í New York. Hann hitti einnig Miroslav Lajcak, forseta allsherjarþingsins, og Jeffrey Feltman, yfirmann stjórnmáladeildar Sameinuðu þjóðanna.

26. jan. 2018Utanríkisráðuneytið, Utanríkisviðskipti, Utanríkismál

Aukið samstarf atvinnulífsins og utanríkisþjónustunnar

Guðlaugur Þór Þórðarson, utanríkisráðherra, og Halldór Benjamín Þorbergsson, framkvæmdastjóri Samtaka atvinnulífsins, undirrituðu í dag samstarfssamning sem felur í sér að stjórnvöld og atvinnulífið taka höndum saman um að efla þjónustu við útflutnings- og markaðsmál íslenskra fyrirtækja til að auka slagkraft þeirra á erlendum mörkuðum.

18. jan. 2018Utanríkisráðuneytið, Norðurslóðir, Öryggis- og varnarmál, Utanríkismál, Heimasendiherrar, Sendiskrifstofa

Ræddi öryggisáskoranir á norðurslóðum hjá Alþjóðlegu friðarrannsóknarstofnuninni

Guðlaugur Þór Þórðarson, utanríkisráðherra, gerði öryggisáskoranir á norðurslóðum að umtalsefni í ávarpi sem hann flutti í Alþjóðlegu friðarrannsóknarstofnuninni í Stokkhólmi (SIPRI) í dag. Ráðherra gerði grein fyrir þeim breytingum sem orðið hefðu í öryggismálum á Norður-Atlantshafi á undanförnum árum með vaxandi umferð rússneskra herflugvéla og kafbáta, sem og viðbrögðum Atlantshafsbandalagsins

14. des. 2017Utanríkisráðuneytið, Utanríkismál, Utanríkisviðskipti, Mannréttindi og jafnrétti

Styðja efnahagslega valdeflingu kvenna

Ísland veita Alþjóðaviðskiptamiðstöðinni framlög að upphæð 300.000 Bandaríkjadölum og mun framlag Ísland nýtast í verkefni ITC sem ber heitið „SheTrades“, en það var stofnað samhliða samþykkt Heimsmarkmiða SÞ og hefur efnahagslega valdeflingu kvenna og tengingu kvenna í þróunarríkjum og á stríðshrjáðum svæðum við alþjóðamarkaði að meginmarkmiði.

01. des. 2017Utanríkisráðuneytið, Auðlindir, Utanríkismál, Alþjóðasamningar, Norðurslóðir, Sjávarútvegur, Atvinnuvegaráðuneytið

Nýr samningur um stjórnun fiskveiða og vísindasamstarf í Norður-Íshafi

Samkomulag hefur náðst á milli Bandaríkjanna, Danmerkur f.h. Færeyja og Grænlands, Íslands, Japan, Kanada, Kína, Noregs, Rússlands, Suður-Kóreu og Evrópusambandsins um drög að samningi sem kemur í veg fyrir stjórnlausar fiskveiðar í Norður-Íshafi ef ísinn þar hopar enn frekar og möguleikar til fiskveiða skapast.