Efnisorð
Tegund

Leita eftir efnisorðum

Sýnir 4551–4600 af 13130
Raða eftir:
26. ágú. 2021Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 192/2021 - Úrskurður

Bótatímabil og ráðningarstyrkur. Staðfest ákvörðun Vinnumálastofnunar um að kærandi hafi fullnýtt bótatímabil sitt. Einnig staðfest sú ákvörðun stofnunarinnar að kærandi uppfyllti ekki skilyrði ráðningarstyrks þar sem hún var ekki tryggð samkvæmt lögum nr. 54/2006 um atvinnuleysistryggingar eftir að bótatímabili lauk.

25. ágú. 2021Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 255/2021 - Úrskurður

Meðlag. Staðfest ákvörðun Tryggingastofnunar ríkisins um að hafa milligöngu um meðlagsgreiðslur til barnsmóður kæranda . Tryggingastofnun ber lögbundna skyldu til að hafa milligöngu um meðlagsgreiðslur sé þess farið á leit við stofnunina í þeim tilvikum þar sem lögformleg meðlagsákvörðun liggur fyrir, sbr. 1. mgr. 63. gr. laga nr. 100/2007 um almannatryggingar.

25. ágú. 2021Félags- og húsnæðismálaráðuneytið, Úrskurðir, Úrskurðarnefnd velferðarmála - Almannatryggingar

Mál nr. 149/2021 - Úrskurður

Aðgangur að upplýsingum. Felld úr gildi ákvörðun Tryggingastofnunar ríkisins um að synja kæranda um aðgang að upplýsingum um nöfn og menntun starfsmanna sem rituðu synjunarbréf um heimilisuppbót og fundargerð hjá Sýslumanninum á höfuðborgarsvæðinu. Þeim hluta málsins er vísað aftur til stofnunarinnar til nýrrar meðferðar. Þeim hluta kæru sem varðar upplýsingar um nafn og menntun starfsmanns sem ritaði synjunarbréf, nöfn og menntun starfsmanna sem svöruðu erindum úr pósthólfinu „Endurhæfing TR“ og nöfn og menntun starfsmanna sem svöruðu öðrum erindum, er vísað frá.

25. ágú. 2021Félags- og húsnæðismálaráðuneytið, Úrskurðir, Úrskurðarnefnd velferðarmála - Almannatryggingar

Mál nr. 105/2021 - Úrskurður

Örorkumat. Felld úr gildi ákvörðun Tryggingastofnunar ríkisins um að synja kæranda um örorkustyrk og málinu vísað aftur til stofnunarinnar til rannsóknar á aukakostnaði kæranda vegna veikinda hennar. Að mati úrskurðarnefndar velferðarmála var mál kæranda ekki nægjanlega upplýst áður en Tryggingastofnun tók hina kærðu ákvörðun, sbr. 38. gr. laga um almannatryggingar og 10. gr. stjórnsýslulaga.

25. ágú. 2021Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 67/2021 - Úrskurður

Ofgreiddar bætur. Staðfest ákvörðun um endurreikning og uppgjör Tryggingastofnunar ríkisins á tekjutengdum bótum ársins 2019 og ákvörðun að krefja kæranda um endurgreiðslu ofgreiddra bóta . Ekki fallist á að fjármagnstekjur tilkomnar vegna sölu á hlutabréfum sem kærandi fékk í arf, skerði ekki tekjutengd bótaréttindi, sbr. 7. mgr. 16. gr. laga um almannatryggingar.

19. ágú. 2021Úrskurðarnefnd velferðarmála - Félagsþjónusta og húsnæðismál, Úrskurðir, Félags- og húsnæðismálaráðuneytið

Mál nr. 217/2021 - Úrskurður

Hlutdeildarlán. Staðfest ákvörðun Húsnæðis- og mannvirkjastofnunar um að synja umsókn kæranda um samþykki fyrir því að íbúðir uppfylltu skilyrði um veitingu hlutdeildarlána. Ekki um að ræða eldri íbúðir í húsnæði sem hefur hlotið gagngerar endurbætur í skilningi 5. mgr. 29. gr. a laga nr. 44/1998 um húsnæðismál.