Heilbrigðisráðherra hefur skipað Krabbameinsráð, samstarfsvettvang heilbrigðisráðherra um veitingu krabbameinsþjónustu á Íslandi.
Ráðið er breiður samstarfsvettvangur helstu aðila sem koma að veitingu krabbameinsþjónustu á Íslandi og hagsmunasamtaka til að tryggja framgang nýsamþykktrar krabbameinsáætlunar til ársins 2029 með yfirsýn og ráðgjöf til heilbrigðisráðherra varðandi málaflokkinn.
Hlutverk ráðsins er eftirfarandi:
- Hafa yfirsýn yfir árangur af aðgerðum í krabbameinsáætlun og vera heilbrigðisráðherra til ráðgjafar þar að lútandi
- Koma með tillögur að verkaskiptingu krabbameinsþjónustu yfir öll stig heilbrigðisþjónustunnar út frá greiningu á fyrirkomulagi núverandi þjónustu, tækifærum til samvinnu og umbóta
- Fylgjast með framþróun innan málaflokksins og koma með tillögur að breytingum hér á landi, þar að lútandi
Ráðið er þannig skipað:
- Halla Þorvaldsdóttir, formaður
- Agnes Smáradóttir, tilnefnd af Landspítala
- Friðbjörn R. Sigurðsson, tilnefndur af Sjúkrahúsinu á Akureyri
- Helgi Hafsteinn Helgason, tilnefndur af Heilbrigðisstofnun Suðurlands
- María Heimisdóttir, tilnefnd af embætti landlæknis
- Sólveig Ása Tryggvadóttir, tilnefnd af Krafti
- Áslaug H. Aðalsteinsdóttir, tilnefnd af Ljósinu
- Halldóra Hálfdánardóttir, tilnefnd af Landspítala
Selma Margrét Reynisdóttir sérfræðingur í heilbrigðisráðuneytinu, er starfsmaður hópsins.